ក្រចេះ៖ យោងតាមប្រភពព័ត៌មានពីមន្ទីរទេសចរណ៍ខេត្តក្រចេះ បានឱ្យដឹងនាព្រឹកថ្ងៃទី១ ខែកុម្ភៈ ឆ្នាំ២០២៥នេះថា ស្ថិតិភ្ញៀវទេសចរក្នុងពិធីបុណ្យចូលឆ្នាំថ្មីប្រពៃណីជនជាតិចិន-វៀតណាម រយៈពេល០៣ថ្ងៃ ២៩-៣០-៣១ ខែមករា ឆ្នាំ២០២៥ មានសរុបចំនួន ១៣.៩០៣នាក់។
ក្នុងនោះ ភ្ញៀវទេសចរជាតិមាន ១៣.៤៦៩នាក់ និងភ្ញៀវទេសចរបរទេស មាន៤៣៤នាក់។
ប្រភពដដែល បានបន្តថា តាមតួលេខខាងលើ បើប្រៀបធៀបឆ្នាំ២០២៤ កើនឡើងចំនួន ៣.៥៦២នាក់ ស្មើនឹង ៣៤.៤៤%៕
