ភ្នំពេញ៖ ករណី លួច (ម៉ូតូ) នៅចំណុចមុខផ្ទះគ្មានលេខ ផ្លូវ បេតុង ភូមិតាងៅ សង្កាត់និរោធ ខណ្ឌច្បារអំពៅ នៅ ថ្ងៃទី០២ ខែមករា ឆ្នាំ២០២៥ ម៉ោង០៤និង៣០នាទី។ ជនរងគ្រោះឈ្មោះ រ៉នី អាប់ឌុលកីយ៉ូម ភេទ ប្រុស អាយុ ២១ឆ្នាំ ជនជាតិ ខ្មែរឥស្លាម មុខរបរ អ្នកដឹកជញ្ជូន ស្នាក់នៅភូមិព្រែកតាពៅ សង្កាត់និរោធ ខណ្ឌច្បារអំពៅ។ ជនសង្ស័យឃាត់ខ្លួនឈ្មោះ សោម វិចិត្ត ភេទ ប្រុស អាយុ ៣៤ឆ្នាំ ជនជាតិ ខ្មែរ មុខរបរ រើសអេតចាយ ស្នាក់ នៅភូមិដើមស្លែង សង្កាត់ច្បារអំពៅ២ ខណ្ឌច្បារអំពៅ។
គួរបញ្ជាក់ថាមុនពេលកើតហេតុជនរងគ្រោះជិះម៉ូតូម៉ាក Honda Scoopy ពណ៌ខ្មៅ ផ្លាកលេខ ភ្នំពេញ ១IX-៥៨១១ មកដល់ចំណុចកើតហេតុ ក៏ដួលម៉ូតូរងរបួសសន្លប់ ស្រាប់តែជនសង្ស័យដើរមកដល់ក៏លួចម៉ូតូ ជនរងគ្រោះជិះគេចខ្លួនដោះផ្លាកលេខម៉ូតូបោះចូលទឹកទន្លេបាត់។ លុះដល់ម៉ោង០៩និង០០នាទី ថ្ងៃដដែល ជនសង្ស័យជិះម៉ូតូទៅរកលក់ឲ្យគេនៅភូមិដើមស្លែង សង្កាត់ច្បារអំពៅ២ ក៏ត្រូវសមត្ថកិច្ចយើងឃាត់ខ្លួន រួមនិង វត្ថុតាងម៉ូតូ ១គ្រឿង (របស់ជនរងគ្រោះ) បញ្ជូនមកទីស្នាក់ការប៉ុស្តិ៍និរោធ សាកសួរ៕
