ព្រះសីហនុ៖ សមត្ថកិច្ចនគរបាលព្រំដែនទឹកឲ្យដឹងថា នៅវេលាម៉ោង ២០ និង១៥នាទី យប់ថ្ងៃទី៣០ ខែធ្នូ ឆ្នាំ២០២៤ មានករណីលិចអូប័រចម្លងភ្ញៀវចេញពីទូកបេអឺដឹកភ្ញៀវដែលជាជនជាតិចិន ស្ទូចត្រីមួយគ្រឿង នៅចំណុចមុខឆ្នេរហាវ៉ៃប្រហែល៥០ម៉ែត្រ ស្ថិតក្នុងសង្កាត់លេខ៣ក្រុងព្រះសីហនុ ហើយភ្លាមៗម្ចាស់ទូកបានជួយសង្គ្រោះមនុស្សនៅទូកបានចំនួន ១៦នាក់ក្នុងនោះស្រីចំនួន៦នាក់ ។
បើតាមសមត្ថកិច្ចដដែលឲ្យដឹងបន្ថែមថា នៅបាត់ខ្លួនមនុស្សម្នាក់ទៀត ក្នុងនោះកម្លាំងសមត្ថកិច្ចចំរុះ អាជ្ញាធរ ក្រុមសង្គ្រោះនិងផ្នែកពាក់ព័ន្ធបានចាត់ចែងស្វែងរក គិតត្រឹមព្រឹកថ្ងៃ៣១ធ្នូនេះនៅមិនទាន់ឃើញនៅឡើយ ហើយនៅព្រឹកនេះសមត្ថកិច្ចនិងក្រុមសង្គ្រោះបានចេញទូក អូបរ័ស្វែងរកបន្តទៀត។ បើតាមអ្នកដឹងហេតុការណ៍ថា ករណីលិចអូប័រចម្លងភ្ញៀវពីទូកបេអឺដឹកភ្ញៀវ ស្ទូចត្រីមួយគ្រឿងនេះ បណ្តាលមកពីភ្ញៀវហក់ឡើងលើអូរប័រចម្លងច្រើនគ្នាបែបសប្បាយរីករាយ ក៍ធ្វើអោយអូរប័រនោះលិចតែម្តង៕
