កណ្តាល៖ ដោយអនុវត្តតាមបទបញ្ជារបស់លោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល កម្លាំងនៃអធិការដ្ឋាននគរបាលស្រុកកណ្តាលស្ទឹង បានធ្វើការបង្ក្រាប និងឃាត់ខ្លួនក្រុមក្មេងទំនើងបានចំនួន០៤នាក់ ក្នុងចំណោមបក្ខពួក០៦នាក់ ដែលមានរហ័សនាមថា {ក្រុមPPK} ដោយធ្វើសកម្មភាពបង្ហោះម៉ូតូ កាលពីវេលាម៉ោង១៤:២០នាទី ថ្ងៃទី២៩ ខែធ្នូ ឆ្នាំ២០២៤ នៅចំណុចផ្លូវលេខ៣៤ ស្ថិតក្នុងភូមិអង្គ្រង ឃុំរលាំងកែន ស្រុកកណ្ដាលស្ទឹង ខេត្តកណ្ដាល។ ជនសង្ស័យទាំង០៦ មានដូចខាងក្រោម៖
១-ឈ្មោះ ឡាច ដាលីន អាយុ ២០ឆ្នាំមុខរបរ កសិករ ជាអ្នកបង្ហោះម៉ូតូ (ឃាត់ខ្លួន)
២-ឈ្មោះ សុខ ឡេង អាយុ ១៦ឆ្នាំ មុខរបរ កសិករ (ឃាត់ខ្លួន),
៣-ឈ្មោះ លឿត សុខខេម អាយុ ១៨ឆ្នាំ មុខរបរ កម្មកររោងចក្រ (ឃាត់ខ្លួន)
៤-ឈ្មោះ ម៉ុយ យុគ អាយុ ១៦ឆ្នាំ មុខរបរកសិករ (ឃាត់ខ្លួន)
៥-ឈ្មោះ រាជអាយុ ១៥ឆ្នាំ មុខរបរ កសិករ( គេចខ្លួន),
៦-ឈ្មោះ រី អាយុ ១៥ឆ្នាំ មុខរបរកសិករ ជាអ្នកបង្ហោះម៉ូតូ (រត់គេចខ្លួន)
ជនសង្ស័យទាំង០៦នាក់ សុទ្ធតែមានទីលំនៅជាមួយគ្នាក្នុងភូមិ ព្រៃល្វា ឃុំព្រះនិពាន្វ ស្រុកគងពិសី ខេត្តកំពង់ស្ពឺ ។ វត្ថុតាងរួមមានម៉ូតូចំនួន០២គ្រឿង, ទូរស័ព្ទដៃ ចំនួន០៤គ្រឿង។ នៅចំពោះមុខសមត្ថកិច្ច ក្រុមក្មេងទំនើងទាំង០៤នាក់បានឆ្លើយសារភាពថាក្រុមខ្លួនមានឈ្មោះថា { ក្រុម PPK } គឺពឹតជាបានធ្វើសកម្មភាព ជិះម៉ូតូបង្ហោះលើផ្លូវលេខ៣៤ ចំណុចឃុំរកា និងឃុំរលាំងកែន នៃស្រុកកណ្តាលស្ទឹង ពឹតប្រាកដមែននិងចំនួនពីរដងមកហើយ។
បច្ចុប្បន្នជនសង្ស័យទាំង០៤នាក់ ត្រូវបានឃាត់ខ្លួននៅអធិការដ្ធាននគរបាលស្រុកកណ្តាលស្ទឹង ដើម្បីចាត់ការតាមនីតិវិធី។ ចំពោះជនសង្ស័យដែលគេចខ្លួនសមត្ថកិច្ចកំពុងស្រាវជ្រាវបន្តដើម្បីឃាត់ខ្លួនចាត់ការតាមនីតិវិធី៕
