បាត់ដំបង៖ នៅថ្ងៃទី២៧ ខែធ្នូ ឆ្នាំ២០២៤ វេលាម៉ោង ១៥:០២នាទីព្រឹក ត្រង់ចំណុចមុខការ៉ាសសាំង ភូមិទួលបល្ល័ង្គ ឃុំគាស់ក្រឡ ស្រុកគាស់ក្រឡ ខេត្តបាត់ដំបង កំលាំងផ្នែកជំនាញនគរបាលយុត្តិធម៌នៃអធិការដ្ឋាននគរបាលស្រុកគាស់ក្រឡ បានចុះធ្វើការឃាត់ខ្លួនជនត្រូវចោទម្នាក់ឈ្មោះ ជា សុីម ភេទប្រុស អាយុ៥៧ ឆ្នាំ រស់នៅភូមិព្រៃពពេល ឃុំគាស់ក្រឡ ស្រុកគាស់ក្រឡ ខេត្តបាត់ដំបង ដែលជាប់ចោទប្រកាន់ពីបទ កាន់កាប់ល្បែងសុីសងប្រព្រឹត្តនៅ ភូមិព្រៃពពេល ឃុំគាស់ក្រឡ ស្រុកគាស់ក្រឡ កាលពីថ្ងៃទី២៥ ខែកញ្ញាឆ្នាំ២០២៤ តាមអំណាចដីកាបង្គាប់ឲចាប់ខ្លួនលេខ:១៣៤០ ត.ព្រ របស់លោក គី ទីម៉េង ចៅក្រមស៊ើបសួរនៃសាលាដំបូងខេត្តបាត់ដំបង ។
ក្រោយធ្វើការសាកសួររួចកម្លាំងយើងកំពុងកសាងសំណុំរឿងបញ្ជូនទៅការិយាល័យជំនាញអនុវត្តតាមនីតិវិធី ៕
