ភ្នំពេញ៖ ប៉ុស្តិ៍នគរបាលរដ្ឋបាលចាក់អង្រែក្រោម បានឃាត់ខ្លួនជនសង្ស័យម្នាក់ពាក់ព័ន្ធករណីករណីអំពេីលួច (លួចកង់ ) ដែលកើតហេតុនៅចំនុចផ្ទះលេខ២៩ ផ្លូវ១៦៩ ភូមិទួលរកា១ សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ វេលាម៉ោង ១៣និង៣០នាទី ថ្ងៃទី ១៦ ខែធ្នូ ២០២៤ ។
ហើយជនរងគ្រោះឈ្មោះ តាំង ស៊ីនគៀក ភេទប្រុស អាយុ ៤១ឆ្នាំ មុខរបរ នៅផ្ទះ ស្នាក់នៅ ផ្ទះលេខ២៩ ផ្លូវលេខ១៦៩ ភូមិទួលរកា១ សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ ។ដោយឡែកជនសង្ស័យមានឈ្មោះ ទន់ សុភាព ហៅអូក ភេទប្រុស អាយុ ២៧ឆ្នាំ មុខរបរមិនពិតប្រាកដ ស្នាក់នៅមិនពិតប្រាកដ(ឃាត់ខ្លួន) មានផ្ទុកនូវសារធាតុញៀន ។ វត្ថុតាងដកហូតបានរួមមានកង់ ចំនួន ០១គ្រឿង។
គួរបញ្ជាក់ថាកាលពីវេលាម៉ោង ១៣:០០នាទី ថ្ងៃទី ១៦ ខែធ្នូ ឆ្នាំ២០២៤ ជនរងគ្រោះ ឈ្នោះ តាំង ស៊ីនគៀក បានចតកង់ នៅមុខផ្ទះរបស់ខ្លួន ផ្ទះលេខ២៩ ផ្លូវ១៦៩ ភូមិភូមិទួលរកា១ សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ លុះដល់ម៉ោង ១៥:០០ នាទីទេីបជនរងគ្រោះចេញពីក្នុងផ្ទះ ក៍ស្រាប់តែបាត់កង់របស់ខ្លួន ក៍ឆែកកាមេរ៉ា សុវត្ថិភាព ឃេីញភិនភាគនិងសកម្មភាពរបស់ជនសង្ស័យ លុះដល់ថ្ងៃទី ១៧ ខែធ្នូ ឆ្នាំ២០២៤ វេលាម៉ោង១៧:៣០ ជនរងគ្រោះក៍ប្រទះឃេីញជនសង្ស័យជិះកង់របស់ខ្លួនក៍បានទាក់ទនមកសមត្តកិច្ច និងបានឃាត់ខ្លួននាំមកប៉ុស្តិ៍នគរបាលរដ្ឋបាលចាក់អង្រែក្រោម ព្រមទាំងដាក់ពាក្យបណ្តឹង ដេីម្បីអោយសមត្តកិច្ចអនុវត្តន៍តាមនិតិវិធីច្បាប់។ បច្ចុប្បន្នជនសង្ស័យខាងលេី កំពុងឃាត់ខ្លួននៅអធិការនគរបាលខណ្ឌមានជ័យ ដេីម្បីកសាង សំណុំរឿងចាត់តាមនីតិវិធី៕
