កំពង់ស្ពឺ៖ ដោយបានការចង្អុលណែនាំ ពីលោកឧត្ដមសេនីយ៍ទោ ឃឹម សុកខៃ ស្នងការនគរបាលខេត្តកំពង់ស្ពឺ កាលពីថ្ងៃទី៧ ខែធ្នូ ឆ្នាំ២០២៤ វេលាម៉ោង១៥ និង ៥០នាទី នៅចំណុចខ្ទមក្នុងចម្ការបស់ប្រជាពលរដ្ឋមួយកន្លែងស្ថិតនៅភូមិដីក្រហម ឃុំព្រៃក្មេង ស្រុកភ្នំស្រួច សមត្ថកិច្ចនគរបាលបានប្រតិបត្ដិការស្រាវជ្រាវឃាត់មុខសញ្ញាប្រេីប្រាស់គ្រឿងញៀនម្នាក់ឈ្មោះ អួក នឿន ភេទប្រុស អាយុ២៨ឆ្នាំដកហូតម្សៅក្រាមពណ៌សថ្លាសង្ស័យជាគ្រឿងញៀន ១កញ្ចប់តូច ទូរស័ព្ទ១គ្រឿង និងឧបករណ៍ប្រើប្រាស់មួយចំនួន។
ផ្អែកតាមចម្លើយរបស់ជនសង្ស័យខាងលើ សមត្ថកិច្ចបានការអនុញ្ញាតិអោយបន្ដឃាត់មុខសញ្ញាចែកចាយរក្សាទុកសារធាតុញៀនចំនួន៣នាក់បន្ថែម ៖
១-ឈ្មោះ ស៊ីម សុភាស់ ភេទប្រុស អាយុ៣៦ឆ្នាំ ភូមិត្រពាំងជ្រៅ ឃុំកាហែង ស្រុកសំរោងទង។
២-ឈ្មោះ ប៊ុន ឧត្តម ភេទប្រុស អាយុ២៨ឆ្នាំ ភូមិសាលា ឃុំជាំសង្កែ ស្រុកភ្នំស្រួច។
៣-ឈ្មោះ លី មុំ ភេទស្រី អាយុ៣៣ឆ្នាំ ភូមិត្រពាំងថ្មី សង្កាត់ក្សេមក្សាន្ដ ក្រុងឧដុង្គម៉ែជ័យ។
រកឃើញនិងដកហូតរួមមាន៖
-ម្សៅក្រាមពណ៌សថ្លា ចំនួន២កញ្ចាប់(ធំ ១កញ្ចប់ , មធ្យម ១កញ្ចាប់)
-ជញ្ជីងប្រេីសម្រាប់ ថ្លឹង អេឡិចត្រូនិច ចំនួន០១គ្រឿង
-ទូរស័ព្ទដៃ ចំនួន ០៣គ្រឿង
ជាក់ស្ដែងប្រតិបត្តិការបង្ក្រាបគ្រឿងញៀន សមត្ថកិច្ចឃាត់ខ្លួនជនសង្ស័យ ចំនួន៤នាក់ ស្រី១នាក់ ដកហូតវត្ថុតាងរួមមាន៖
-ម្សៅក្រាមពណ៌សថ្លាសង្ស័យជាគ្រឿងញៀនចំនួន៣កញ្ចប់(ធំ១ មធ្យម១ និងតូច១)
-ទូរស័ព្ទដៃចំនួន៤គ្រឿង
-ជញ្ជីងអេឡិចត្រូនិច១គ្រឿងនិងឧបករណ៍ប្រើប្រាស់មួយចំនួន
ករណីខាងលេី សមត្ថកិច្ចបានកសាងសំណុំរឿងបញ្ជូនជនសង្ស័យនិងវត្ថុតាង ទៅកាន់ការិយាល័យជំនាញ នៃស្នងការដ្ឋាននគរបាលខេត្ត ចំណាត់ការនីតិវិធីបន្ដ៕
