ភ្នំពេញ៖ ឃាត់មនុស្ស ២នាក់ ពាក់ព័ន្ធករណី លួច (ម៉ូតូ) និង កាន់កាប់អាវុធដោយគ្មានការអនុញ្ញាត (ដាវ) នៅចំណុចមុខផ្ទះជួល ផ្លូវ បេតុង ភូមិព្រះពន្លា សង្កាត់ព្រែកប្រា ខណ្ឌច្បារអំពៅ នៅថ្ងៃទី ០៧-១២-២០២៤ ម៉ោង០៣និង០០នាទី។ ជនសង្ស័យឃាត់ខ្លួន ០២នាក់ ៖
១-ឈ្មោះ ឈឹម លីហៀង ភេទ ប្រុស អាយុ ១៨ឆ្នាំ ជនជាតិ ខ្មែរ មុខរបរ មិនពិតប្រាកដ ស្នាក់នៅភូមិក្តីតាកុយ សង្កាត់វាលស្បូវ ខណ្ឌច្បារអំពៅ។
២-ឈ្មោះ ថន វីរៈ ភេទ ប្រុស អាយុ ២១ឆ្នាំ ជនជាតិ ខ្មែរ មុខរបរ កម្មករសំណង់ ស្នាក់នៅភូមិដើមចាន់ សង្កាត់ ច្បារអំពៅ២ ខណ្ឌច្បារអំពៅ ។
ហេតុការណ៍ ៖ មុនពេលកើតហេតុជនរងគ្រោះទុកម៉ូតូម៉ាក HONDA CB ពណ៌ប្រផេះ ផ្លាកលេខ ភ្នំពេញ ១KM-១៨៧២ នៅមុខផ្ទះជួល ពុំបានចាក់សោរកម៉ូតូទេ រួចចូលដេកក្នុងផ្ទះ ស្រាប់តែមានជនសង្ស័យ ២នាក់ ឈ្មោះ លឹម លីហៀង និងឈ្មោះ ថន វីរៈ ជិះកង់ និងកាន់ដាវ ១ដើមមកឈប់ក្បែរ រួចលួចម៉ូតូជនរងគ្រោះ គេចខ្លួន ដោយបន្សល់ទុកកង់ និងដាវនៅកន្លែងកើតហេតុ។ លុះដល់ម៉ោង១៥និង០០នាទី ថ្ងៃដដែល សមត្ថ កិច្ចយើងឃាត់ខ្លួនបានជនសង្ស័យទាំង ២នាក់ នៅភូមិដើមចាន់ សង្កាត់ច្បារអំពៅ២ ខណ្ឌច្បារអំពៅ រួមនិង វត្ថុតាងម៉ូតូ ១គ្រឿង (របស់ជនរងគ្រោះ) បញ្ជូនមកអធិការដ្ឋាននគរបាលខណ្ឌច្បារអំពៅ សាកសួរ។ ជនសង្ស័យឈ្មោះ ឈឹម លីហៀង ធ្លាប់ជាប់ពន្ធនាគារខេត្តកណ្ដាល ក្នុងឆ្នាំ២០២១ រយៈពេល ១ឆ្នាំ ពីបទ លួច និងជនសង្ស័យឈ្មោះ ថន វីរៈ ធ្លាប់ជាប់ពន្ធនាគារ “ម១” ០២លើក ៖
- លើកទី១ ក្នុងឆ្នាំ២០១៩ រយៈពេល ១ឆ្នាំ ពីបទ លួច ។
– លើកទី២ ក្នុងឆ្នាំ២០២១ រយៈពេល ១ឆ្នាំ ពីបទ ប៉ុនប៉ងលួច៕
