ភ្នំពេញ៖ នៅថ្ងៃទី០៩ ខែកញ្ញា ឆ្នាំ២០២៤ កម្លាំងប៉ុស្តិ៍នគរបាលរដ្ឋបាលមិត្តភាព បានឃាត់ខ្លួនជនសង្ស័យម្នាក់ នៅចំណុចមុខផ្ទះលេខ៣៧៦អឺ០ ផ្លូវលេខ១២៨ សង្កាត់មិត្តភាព ខណ្ឌ៧មករា ពាក់ព័ន្ធករណីលួចនាឡិកាទឹក ប្រព្រឹត្តល្មើសនៅចំណុចមុខផ្ទះលេខ៣៧២អឺ០ ផ្លូវលេខ១២៨ សង្កាត់មិត្តភាព ខណ្ឌ៧មករា ថ្ងៃទី០៨ ខែកញ្ញា ឆ្នាំ២០២៤។
ជនសង្ស័យឈ្មោះ ឌឹប បឿន ហៅ ត្រេន ភេទប្រុស ជនជាតិខ្មែរ មុខរបរមិនពិតប្រាកដ ទីលំនៅស្នាក់នៅមិនពិតប្រាកដ (មានសារធាតុញៀន)។ បច្ចុប្បន្នជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌ៧មករា ដើម្បីកសាងសំណុំរឿងបញ្ជូនទៅសាលាដំបូងរាជធានីភ្នំពេញ ចាត់ការតាមនីតិវិធី៕
