កំពង់ស្ពឺ៖ នៅថ្ងៃទី០៦ ខែសីហា ឆ្នាំ២០២៤ វេលាម៉ោង ១៧:៣០នាទី ទទួលបានព័ត៌មានអំពីប្រជាពលរដ្ឋល្អក្នុងមូលដ្ឋានថា មានមុខសញ្ញាចែកចាយគ្រឿងញៀនយ៉ាងសកម្ម ចំណុចភូមិថ្នល់បត់ ឃុំក្រាំងអំពិល ស្រុកសំរោងទង កម្លាំងការិយាល័យប្រឆាំងគ្រឿងញៀន ដោយមានការចង្អុលដឹកនាំពីលោកឧត្តមសេនីយ៍ទោ ឃឹម សុកខៃ ស្នងការនគរបាលខេត្តកំពង់ស្ពឺ និងបានកិច្ចសម្របសម្រួលនីតិវិធីពី ឯកឧត្តមព្រះរាជអាជ្ញាអមសាលាដំបូងខេត្តកំពង់ស្ពឺ។
ទទួលបទបញ្ជាផ្ទាល់ពីលោកឧត្តមសេនីយ៍ត្រី ម៉ាត់ ធុច ស្នងការរងទទួលផែនប្រឆាំងគ្រឿងញៀន និងដឹកនាំបញ្ជា និងបង្ក្រាបផ្ទាល់ ដោយលោក វរសេនីយ៍ទោ ហ៊ាង ឈាងលី ស្នងការរងជំនួយការដឹកនាំការិយាល័យប្រឆាំងគ្រឿងញៀនខេត្តកំពង់ស្ពឺ បានធ្វើការបង្ក្រាបមុខសញ្ញាសង្ស័យពាក់ព័ន្ធនឹងគ្រឿងញៀនបាន ០១នាក់ ឈ្មោះ ឈឿន រ៉ាវី ភេទ ប្រុស អាយុ ៣៤ឆ្នាំ រស់នៅភូមិថ្នល់បត់ ឃុំក្រាំងអំពិល ស្រុកសំរោងទង ខេត្តកំពង់ស្ពឺ ដកហូតម្សៅក្រោមពណ៍សថ្លាសង្ស័យជាគ្រឿងញៀនចំនួន ២៣ កញ្ចប់ ២២តូច ១មធ្យម, ទូរស័ព្ទ ២ , រួមនឹងឧបករណ៍ប្រើប្រាស់គ្រឿងញៀនមួយចំនួន។
តាមចម្លើយឈ្មោះ ឈឿន រ៉ាវី បានសារភាពថាគ្រឿងញៀនទិញពីឈ្មោះ អេង វុទ្ធី ភេទ ប្រុស អាយុ ៤០ឆ្នាំ នៅភូមិបឹងងោន ឃុំទឹកល្អក់ ស្រុកគងពិសី ខេត្តកំពង់ស្ពឺ បន្ទាប់មក នៅចំណុចភូមិក្រាំងពង្រ ឃុំស្រង់ ស្រុកគងពិសី ខេត្តកំពង់ស្ពឺ ក្រុមប្រតិបត្តិការបានបន្តឃាត់ខ្លួនមុខសញ្ញាបានចំនួន ០៣នាក់
១-អេង វុទ្ធី ភេទ ប្រុស អាយុ ៤០ឆ្នាំ នៅភូមិបឹងងោន ឃុំទឹកល្អក់ ស្រុកគងពិសី ខេត្តកំពង់ស្ពឺ
២-ចយ ម៉ានុត ភេទ ប្រុស អាយុ ២៣ឆ្នាំ នៅភូមិត្របែកទូក ឃុំទឹកល្អក់ ស្រុកគងពិសី
៣-សឹម ហេង ភេទ ប្រុស អាយុ៤៥ឆ្នាំ នៅភូមិពង្រ ឃុំស្រង់ ស្រុកគងពិសី ខេត្តកំពង់ស្ពឺ
ដកហូតម្សៅក្រាមពណ៌សថ្លាសង្ស័យជាគ្រឿងញៀន ១កញ្ចប់ មធ្យម, ម៉ូតូ ២គ្រឿង , ទូរស័ព្ទ ០៣គ្រឿង។ សរុប ឃាត់ខ្លួនមុខសញ្ញា ៤នាក់ ។ ដកហូតវត្ថុតាងគ្រឿងញៀន ២៤កញ្ចប់ (២២តូច និង ២មធ្យម) , ម៉ូតូ ៣ , ទូរស័ព្ទ ៤ , រួមនឹងឧបករណ៍ប្រើប្រាស់គ្រឿងញៀនមួយចំនួន ។ ករណីនេះការិយាល័យជំនាញ កំពុងកសាងសំណុំរឿង ចាត់ការតាមនីតិវិធី៕
