ព្រះសីហនុ៖ នៅថ្ងៃទី២៨ ខែកក្កដា ឆ្នាំ២០២៤ វេលាម៉ោង១៧:៥០នាទី មានប្រជាពលរដ្ឋ០២នាក់បានមកដាក់ពាក្យបណ្តឹងនៅប៉ុស្តិ៍នគរបាលរដ្ឋបាលវាលរេញ ដែលមានឈ្មោះ ធៀប វ៉ាន់ថន ភេទប្រុស អាយុ២០ឆ្នាំ ជនជាតិខ្មែរ មុខរបរកម្មកររោងចក្រ មានទីលំនៅភូមិជ្រមលង ឃុំទឹកល្អក់ ស្រុកព្រៃមនប់ ខេត្តព្រះសីហនុ និងឈ្មោះ ងៀម ប៊ីសា ភេទប្រុស អាយុ២០ឆ្នាំ ជនជាតិខ្មែរ មុខរបរកម្មកររោងចក្រ មានទីលំនៅស្នាក់ភូមិជ្រលង ឃុំទឹកល្អក់ ស្រុកព្រៃនប់ ខេត្តព្រះសីហនុ។
ដោយកាលកាលពីថ្ងៃទី២៨ ខែកក្កដា ឆ្នាំ២០២៤ វេលា១៥.០០នាទីនៅចំណុចក្បែររង្វង់មូលវាលរេញ លើដងផ្លូវជាតិលេខ៣ ដោយមានជនសង្ស័យ០១ក្រុមមានគ្នាប្រហែល១០នាក់ ជិះម៉ូតូចំនួន០៥គ្រឿង បានធ្វើសកម្មភាពដេញវាយនិងវាយបំផ្លាញ ម៉ូតូរបស់ពូកគេ ខណះពេលពួកគេឈប់ម៉ូតូរងចាំមិត្តភ័ក្ត្រ ហើយក្រុមជនសង្ស័យខាងលើបានជិះម៉ូតូក្រោយ រួចនាំគ្នាឈប់ម៉ូតូដេញវាយពួកគេ ដោយប្រើមួកសុវត្តិភាព ខ្សែក្រវ៉ាត និងដុំថ្ម បណ្តាលឲ្យរងរបួសស្រាលនិងខូចខាតម៉ូតូ ចំនួន១គ្រឿង ម៉ាកហុងដាឌ្រីម ពណ៍ខ្មៅ បែកត្រង់ចំនុចតាបឡូ ចង្កៀងមុខ និងបានវាយបំបាក់យកផ្លាកលេខម៉ូតូរួចនាំគ្នាគេចខ្លួនបាត់តែម្តង។
ក្រោយពីទទួលបានព័តមានភ្លាមនិងយោងតាមបទបញ្ជាយ៉ាងមុឺងម៉ាត់របស់ឯកឧត្តម ឧត្តមសេនីយ៍ឯក ស រដ្ឋា អគ្គស្នងការរង និងជាស្នងការនគរបាលខេត្តព្រះសីហនុ និងតាមការចង្អុលបង្ហាញពីលោកឧត្តមសេនីយ៍ត្រី ណុប បញ្ញា ស្នងការរងទទួលផែនព្រហ្មទណ្ឌនិងដឹកនាំបញ្ជាផ្ទាល់ពីលោកវរសេនីយ៍ឯក អ៊ួង វុទ្ធី អធិការនគរបាលស្រុកព្រៃនប់កំលាំងអធិការដ្ឋាននគរបាលស្រុកព្រៃនប់ បានសហការជាមួយកំលាំងប៉ុស្តិ៍នគរបាលរដ្ឋបាលវាលរេញ ប៉ុស្តិ៍សំរុង ប៉ុស្តិ៍ជើងគោបានធ្វើការស្រាវជ្រាវរហូតដល់ថ្ងៃទី៣០ កក្កដា ២០២៤ ទើបកំណត់បានជនសង្ស័យនិងឈានទៅដល់ធ្វើការឃាត់ខ្លួនជនសង្ស័យបានជាបន្តបន្ទាប់បានចំនួន០៨នាក់ ដែលមានឈ្មោះដូចខាងក្រោម៖
១. ឈ្មោះ ឃឿន រ៉ាមុីត ភេទប្រុស អាយុ ២០ឆ្នាំ មុខរបរ កម្មកររោងចក្រ មានទីលំនៅភូមិវាលធំ ឃុំវាលរេញ ស្រុកព្រៃនប់ ខេត្តព្រះសីហនុ ។
២. ឈ្មោះ សន សុខទ្រី ភេទប្រុស អាយុ១៦ ឆ្នាំ មុខរបរ កម្មកររោងចក្រ មានទីលំនៅភូមិវាលមាស ឃុំវាលរេញ ស្រុកព្រៃនប់ ខេត្តព្រះសីហនុ
៣. ឈ្មោះ ញ៉ តុងហាក់ ភេទប្រុស អាយុ១៥ ឆ្នាំ មុខរបរ សិស្ស មានទីលំនៅភូមិសំរុងក្រោម ឃុំសំរុង ស្រុកព្រៃនប់ ខេត្តព្រះសីហនុ ។
៤. ឈ្មោះ ម៉ូញ ចន្ទ ភេទប្រុស អាយុ១៦ឆ្នាំ មុខរបរ ជាងភ្លើង មានទីលំនៅភូមិវាលធំ ឃុំវាលរេញ ស្រុកព្រៃនប់ ខេត្តព្រះសីហនុ ។
៥. ឈ្មោះ លង ដេមីត ភេទប្រុស អាយុ១៤ឆ្នាំ មុខរបរ សិស្សមានទីលំនៅភូមិជើងគោ ឃុំជើងគោ ស្រុកព្រៃនប់ ខេត្តព្រះសីហនុ ។
៦. ឈ្មោះ ធន សំនិត ភេទប្រុស អាយុ១៦ឆ្នាំ មុខរបរមិនពិតប្រាកដ មានទីលំនៅភូមិបឹងវែង ឃុំវាលរេញ ស្រុកព្រៃនប់ ខេត្តព្រះសីហនុ ។
៧. ឈ្មោះ វណ្ណ សុភ័ក្រវិសិទ្ធ អាយុ១៥ឆ្នាំ ភេទប្រុស មានទីលំនៅភូមិបឹងវែង ឃុំវាលរេញ ស្រុកព្រៃនប់ ខេត្តព្រះសីហនុ។
៨. ឈ្មោះ យ៉ុយ រតនៈ ភេទប្រុស អាយុ១៩ឆ្នាំមានទីលំនៅភូមិត្រពាំងគារ ឃុំជើងគោ ស្រុកព្រៃនប់ ខេត្តព្រះសីហនុ។
និងបក្ខពួកចំនួន០៣នាក់ទៀតពុំស្គាល់អត្តសញ្ញាណបានរត់គេចខ្លួនបាត់។ មូលហេតុបណ្តាលមកពីមានទំនាស់ពាក្យសម្តីជាមួយគ្នាតាមប្រព័ន្ធឆាតហ្វេសបុក (Facebook ) កន្លងមក។ វត្ថុតាងចាប់យកម៉ូតូជនសង្ស័យ០៣គ្រឿងរួមមាន៖
– ម៉ូតូ០១គ្រឿង ម៉ាកហុងដាឌ្រីម សេរីឆ្នាំ២០១៦ ដំឡើងតែមឆ្នាំ២០២២បិតស្គុតពណ៌ស គ្មានស្លាកលេខ ជារបស់ជនសង្ស័យ ។
– ម៉ូតូ០១គ្រឿង ម៉ាកហុងដាឌ្រីម សេរីឆ្នាំ២០១៧ ពណ៌ ខ្មៅ ស្លាកលេខព្រះសីហនុ1G-6844 ជារបស់ជនសង្ស័យ។
– ម៉ូតូ០១គ្រឿង ម៉ាកស៊ុូស៊ីគី និច សេរីឆ្នាំ២០២៤ ពណ៌ សលាយក្រហម ស្លាកលេខភ្នំពេញ1KI-8703ជារបស់ជនសង្ស័យ។
ជនសង្ស័យនិង វត្ថុតាងបានយកមកអធិការដ្ឋានននគរបាលស្រុកព្រៃនប់ ដើម្បីធ្វើការសាកសួរ និងបន្តសំណុំ រឿងតាមនិតិវិធី៕
