កំពត៖ នៅថ្ងៃពុធ១១រោច ខែអាសាឍ ឆ្នាំរោង ឆស័ក ព.ស. ២៥៦៨ ត្រូវនឹងថ្ងៃទី៣១ ខែកក្កដា ឆ្នាំ២០២៤ វេលាម៉ោង ២០ និង ០០នាទី កម្លាំងជំនាញការិយាល័យប្រឆាំងគ្រឿងញៀនខេត្តកំពត ដឹកនាំដោយលោកវរសេនីយ៍ឯក ទឹម សុភាព ស្នងការរងផែនការងារប្រឆាំងគ្រឿងញៀន បានធ្វើការស៊ើបអង្កេត និងស្រាវជ្រាវ បើកកិច្ចប្រតិបត្តិការបង្ក្រាបករណី ជួញដូរដោយខុសច្បាប់នូវសារធាតុញៀន (វិធានការញុះញុង) ចំនួន ០២ករណី ផ្សេងគ្នា ក្នុងនោះ៖
ករណីទី១៖ នៅភូមិលក ឃុំឬស្សីស្រុកខាងលិច ស្រុកកំពង់ត្រាច ខេត្តកំពត ឃាត់ខ្លួនជនសង្ស័យ៖
១/ឈ្មោះ នៅ ទូម៉ា ភេទប្រុស អាយុ ២៤ឆ្នាំ រស់នៅភូមិព្រៃកែស ឃុំដំណាក់កន្ទួតខាងជើង ស្រុកកំពង់ត្រាច ខេត្តកំពត ។ ចាប់យកវត្ថុតាង៖
-ថ្នាំញៀនចំនួន ០៤កញ្ចប់ ៤.៣៣ ក្រាម (ថ្លឹងទាំងថង់ប្លាស្ទិច)
-ទូរស័ព្ទដៃចំនួន ០១ គ្រឿង
-ម៉ូតូចំនួន ០១ គ្រឿង។
ករណីទី២៖ នៅភូមិតាដិប សង្កាត់អណ្តូងខ្មែរ ក្រុងកំពត ខេត្តកំពត។ ឃាត់ខ្លួនជនសង្ស័យចំនួន ០២នាក់៖
១/ឈ្មោះ ហេង ហាក ភេទប្រុស អាយុ ៤០ឆ្នាំ រស់នៅភូមិតាដិប សង្កាត់អណ្តូងខ្មែរ ក្រុងកំពត ខេត្តកំពត ។
២/ឈ្មោះ សុះ វ៉ាន់សុី ហៅ ស្រីរ័ត្ន ភេទស្រី អាយុ ៣៣ឆ្នាំ រស់នៅភូមិតាដិប សង្កាត់អណ្តូងខ្មែរ ក្រុងកំពត ខេត្តកំពត ។ ចាប់យកវត្ថុតាង៖
-ថ្នាំញៀន ០២កញ្ចប់ (11.14g)
-ម៉ូតូ ០១គ្រឿង
-ទូរស័ព្ទដៃ ០១គ្រឿង
-ដាវ ០១ដើម។
បច្ចុប្បន្នជនសង្ស័យរួមនិងវត្ថុតាង កម្លាំងជំនាញយើងកំពុងចងក្រងសំណុំរឿង ដើម្បីបញ្ជូនទៅតុលាការដើម្បីចាត់ការ តាមនីតិវិធីច្បាប់៕
