ឧត្តរមានជ័យ៖ ឯកឧត្ដម មាន ចាន់យ៉ាដា អភិបាល នៃគណៈអភិបាលខេត្តឧត្តរមានជ័យ បានដឹកនាំ មន្ត្រីមន្ទីរជំនាញពាក់ព័ន្ធចុះពិនិត្យស្ថានភាព និងការអនុវត្តវិធានការកម្ចាត់ដង្កូវហ្វូងកំពុង រាតត្បាតលើដំណាំស្រូវរបស់បងប្អូនប្រជាកសិករចំនួន៣៣គ្រួសារ លើផ្ទៃដីសរុប ៩៥ហិកតា នៅក្នុងឃុំចំនួន៤ នៅព្រឹកថ្ងៃទី១៥ ខែកក្កដា ឆ្នាំ២០២៤ នៅស្រុកចុងកាល់ ខេត្តឧត្តរមានជ័យ។
ឯកឧត្ដម មាន ចាន់យ៉ាដា មានប្រសាសន៍ថា ដើម្បីកម្ចាត់ និងទប់ស្កាត់ដង្កូវហ្វូងនេះ មន្ទីរកសិកម្ម រុក្ខាប្រមាញ់ និងនេសាទខេត្ត ត្រូវចុះផ្សព្វផ្សាយបណ្ដុះបណ្ដាលអំពីវិធីសាស្ត្រ លាយថ្នាំកម្ចាត់ដង្កូវតាមគោលការណ៍របស់ក្រសួង នឹងចុះបាញ់ថ្នាំជាក់ស្តែងនៅតាមតំបន់ ហានិភ័យទាំង ៤ឃុំនេះ។
ឯកឧត្តមក៏បានផ្តល់ធុងបាញ់ថ្នាំដល់មន្ត្រីកសិកម្មឃុំ និងណែនាំដល់មន្ទីរជំនាញ ជួយបាញ់ថ្នាំសម្លាប់ហ្វូងដង្កូវ ដើម្បីជួយសង្គ្រោះស្រូវជូនដល់ប្រជាកសិករឱ្យបាន ពេលវេលា៕
