ភ្នំពេញ៖ នៅថ្ងៃទី០៦ ខែកក្កដា ឆ្នាំ២០២៤ វេលាម៉ោងប្រហែល១៧:០០នាទី កម្លាំងផ្នែកជំនាញ នៃអធិការដ្ឋាននគរបាលខណ្ឌទួលគោក បានធ្វើការឃាត់ខ្លួនជនសង្ស័យ០១នាក់ពីបទគំរាមកំហែងថានឹងសម្លាប់និងកាន់កាប់ឬដឹកជញ្ជូនអាវុធដោយគ្មានការអនុញ្ញាតិ (កាន់កាំបិតបុ័ងតោ, កាំបិតចុងស្រួចនិងប្រើកាំភ្លើងខ្លីជ័រគំរាមកំហែងលើជនរងគ្រោះអ្នកនៅផ្ទះជិតខាង) ប្រព្រឹត្តនៅចំណុចមុខផ្ទះលេខ៥៦M ផ្លូវលេខ២១៨ ក្រុមទី១៧ ភូមិ៧ សង្កាត់ទឹកល្អក់ទី៣ ខណ្ឌទួលគោក រាជធានីភ្នំពេញ កាលពីពាក់កណ្ដាលឆ្នាំ២០២០ ជាបន្តបន្ទាប់រហូតមកដល់ថ្ងៃទី០៤ ខែ កក្កដា ឆ្នាំ២០២៤ វេលាម៉ោងប្រហែល១៨:៥៦នាទី ។
ជនសង្ស័យមានឈ្មោះ ហួត សុធី ភេទប្រុស អាយុ ៣៩ឆ្នាំ ជនជាតិខ្មែរ មុខរបរ នៅផ្ទះ ស្នាក់នៅផ្ទះលេខ៥៦GEOZ ផ្លូវលេខ២១៨ ក្រុមទី១៧ ភូមិ៧ សង្កាត់ទឹកល្អក់ទី៣ ខណ្ឌទួលគោក រាជធានីភ្នំពេញ ។ ត្រួតពិនិត្យនិងចាប់យកវត្ថុតាងក្នុងបន្ទប់ផ្ទះជនសង្ស័យខាងលើស្នាក់នៅរួមមាន៖
១-កូនកាំបិតចុងស្រួចចំនួន០៥ដើម
២-កាំបិតបុ័ងតោ១ដើម
៣-ឬស្សីសម្រាប់ពាក់ដើមដៃ០២
៤-ឬស្សីដាំដែកគោលចំនួន០៣បន្ទះ
៥-កាំភ្លើងខ្លីជ័រចំនួន០១
៦-ដំបងឬស្សីចំនួន០១ មានប្រវែង១,១០ម៉ែត្រ ។
៧-ស្រោមកាំបិតចំនួន០២ (ជារបស់ជនសង្ស័យខាងលើប្រើគំរាមកំហែងដល់ជនរងគ្រោះជាអ្នកភូមិជាញឹកញាប់) ។
បច្ចុប្បន្នជនសង្ស័យខាងលើ កំពុងឃាត់ខ្លួនជាបណ្ដោះអាសន្ននៅអធិការដ្ឋាននគរបាលខណ្ឌទួលគោក ដើម្បីធ្វើការសាកសួរនិងចាត់ការបន្តតាមនីតិវិធី៕
