ភ្នំពេញ៖ នៅថ្ងៃទី ០២ ខែកក្កដា ឆ្នាំ២០២៤ ម៉ោង២០ និង២០នាទី ជនសង្ស័យ០១នាក់ ត្រូវបានសមត្ថកិច្ចនៃអធិការដ្ឋាននគរបាលខណ្ឌច្បារអំពៅ ឃាត់ខ្លួនពាក់ព័ន្ឌនឹងករណីប៉ុនប៉ងលួចម៉ូតូ នៅមុខផ្ទះគ្មានលេខ ភូមិដើមចាន់ សង្កាត់ច្បារអំពៅ២ ខណ្ឌច្បារអំពៅ ។ ជនសង្ស័យឃាត់ខ្លួនឈ្មោះ ភួង ចិត្រ ភេទប្រុស អាយុ ៤០ឆ្នាំ ជនជាតិ ខ្មែរ មុខរបរ មិនពិតប្រាកដ ស្នាក់នៅភូមិដើមចាន់ សង្កាត់ច្បារអំពៅ២ ខណ្ឌច្បារអំពៅ។
ហេតុការណ៍ ៖ មុនពេលឃាត់ខ្លួន ជនសង្ស័យដើររកលួចម៉ូតូប្រពលរដ្ឋពេលមកដល់ចំណុចកើតហេតុ ក៏ត្រូវបានសមត្ថកិច្ចយើងឃាត់ខ្លួន រួមនឹងវត្ថុតាងដែកកែច្នៃចុងស្រួចសម្រាប់កាច់សោកម៉ូតូ១ និងកូនសោខ្សៀលេខ៨ ចំនួន១ បញ្ជូនមកទីស្នាក់ការប៉ុស្តិ៍ច្បារអំពៅ២ សាកសួរ។ លទ្ធផលតេស្តិ៍ទឹកនោមជនសង្ស័យ ៖ អវិជ្ជមាន (គ្មានសារធាតុញៀន)។ បច្ចុប្បន្នជនសង្ស័យខាងលើកំពុងឃាត់ខ្លួននៅអធិការដ្ឋាននគរបាលខណ្ឌច្បារអំពៅ ដើម្បីសាកសួរបន្តនីតិវិធី៕
