កំពត៖ នៅថ្ងៃទី២៥ ខែមិថុនា ឆ្នាំ២០២៤ វេលាម៉ោង ១៥ និង ១០នាទី កម្លាំងជំនាញការិយាល័យប្រឆាំងគ្រឿងញៀននៃស្នងការដ្ឋាននគរបាលខេត្តកំពត ដឹកនាំដោយលោកវរសេនីយ៍ឯក ទឹម សុភាព ស្នងការរងផែនការងារប្រឆាំងគ្រឿងញៀន បានធ្វើការស៊ើបអង្កេត និងស្រាវជ្រាវ បេីកកិច្ចប្រតិបត្តិការបង្ក្រាបករណី ជួញដូរដោយខុសច្បាប់នូវសារធាតុញៀន (វិធានការញុះញុង) ចំនួន ០១ករណី ស្ថិតក្នុងភូមិដំណាក់ចំបក ឃុំសំរោងលើ ស្រុកបន្ទាយមាស ខេត្តកំពត។ កម្លាំងយើងឃាត់ខ្លួនជនសង្ស័យម្នាក់មានឈ្មោះ ញៀន សុធារី ហៅ ជ្រូ ភេទប្រុស អាយុ ៣៦ឆ្នាំ រស់នៅភូមិត្រាំសសរ ឃុំសំរោងលើ ស្រុកបន្ទាយមាស ខេត្តកំពត ។
ចាប់យកវត្ថុតាង៖
-ថ្នាំញៀនចំនួន ០២កញ្ចប់
-ទូរស័ព្ទដៃចំនួន ០១គ្រឿង ។
តាមការសាកសួរចម្លើយជនសង្ស័យខាងលើឈ្មោះ ញៀន សុធារី នៅថ្ងៃខែឆ្នាំដ៏ដែល វេលាម៉ោង ១៦និង៣០នាទី កម្លាំងសមត្ថកិច្ចយើងបានបន្តឃាត់ខ្លួនជនសង្ស័យដែលជាបក្ខពួក(គួរកន) ស្ថិតនៅភូមិព្រៃផ្តៅ ឃុំភ្នំកុង ស្រុកអង្គរជ័យ ខេត្តកំពត ចំនួន ០១នាក់ ថែមទៀតមានឈ្មោះ ង៉ែត ធូ ហៅ ញ៉ាញ់ ភេទប្រុស អាយុ ២៣ឆ្នាំ រស់នៅភូមិព្រៃផ្តៅ ឃុំភ្នំកុង ស្រុកអង្គរជ័យ ខេត្តកំពត ។
ចាប់យកវត្ថុតាង៖
-ថ្នាំញៀនចំនួន ១១កញ្ចប់
-ទូរស័ព្ទចំនួន ០១គ្រឿង។
តាមការសាកសួរចម្លើយជនសង្ស័យខាងលើឈ្មោះ ង៉ែត ធូ ហៅ ញ៉ាញ់ នៅថ្ងៃខែឆ្នាំដ៏ដែល វេលាម៉ោង ១៧និង២០នាទី កម្លាំងសមត្ថកិច្ចយើងបានបន្តឃាត់ខ្លួនជនសង្ស័យដែលជាបក្ខពួក(គួរកន) ស្ថិតនៅភូមិព្រៃផ្តៅ ឃុំភ្នំកុង ស្រុកអង្គរជ័យ ខេត្តកំពត ចំនួន ០៥ នាក់ ថែមទៀត៖
១/ឈ្មោះ ហែម រដ្ឋា ហៅ អោង ភេទប្រុស អាយុ ៣០ឆ្នាំ រស់នៅភូមិព្រៃផ្តៅ ឃុំភ្នំកុង ស្រុកអង្គរជ័យ ខេត្តកំពត ។
ចាប់យកវត្ថុតាងទូរស័ព្ទចំនួន ០១គ្រឿង
២/ឈ្មោះ ជ័យ សុភ័ណ្ឌ ភេទប្រុស អាយុ២៦ ឆ្នាំ រស់នៅភូមិព្រៃផ្តៅ ឃុំភ្នំកុង ស្រុកអង្គរជ័យ ខេត្តកំពត ។
ចាប់យកវត្ថុតាង៖ ថ្នាំញៀនចំនួន ០១កញ្ចប់, ទូរស័ព្ទចំនួន ០២គ្រឿង និងម៉ូតូចំនួន ០១គ្រឿង។
៣/ឈ្មោះ ហែម ថាត ភេទប្រុស អាយុ ២៧ឆ្នាំ រស់នៅភូមិព្រៃផ្តៅ ឃុំភ្នំកុង ស្រុកអង្គរជ័យ ខេត្តកំពត ។
ចាប់យកវត្ថុតាង៖ ថ្នាំញៀនចំនួន ០១កញ្ចប់
៤/ឈ្មោះ ហុក ថៃ ភេទប្រុស អាយុ១៧ ឆ្នាំ រស់នៅភូមិព្រៃផ្តៅ ឃុំភ្នំកុង ស្រុកអង្គរជ័យ ខេត្តកំពត ។
ចាប់យកវត្ថុតាង៖ ទូរស័ព្ទចំនួន ០១គ្រឿង។
៥/ឈ្មោះ ឈួន ជ្រាន ភេទប្រុស អាយុ ២៧ឆ្នាំ រស់នៅភូមិព្រៃផ្តៅ ឃុំភ្នំកុង ស្រុកអង្គរជ័យ ខេត្តកំពត ។
ករណីខាងលើសមត្ថកិច្ចយើងឃាត់ខ្លួនជនសង្ស័យសរុបបានចំនួន ៧ នាក់ និងដកហូតវត្ថុតាងរួមមាន÷
-ម្សៅក្រាមពណ៌សថ្លាសង្ស័យជាថ្នាំញៀនចំនួន ១៥កញ្ចប់ ទម្ងន់ ៦.៧៦ក្រាម (ថ្លឹងទាំងថង់ប្លាស្ទិច)
-ទូរស័ព្ទដៃចំនួន ០៦គ្រឿង
-ម៉ូតូចំនួន ០១គ្រឿង
-កាំភ្លើងកែឆ្នៃចំនួន ០២ដើម
បច្ចុប្បន្នជនសង្ស័យរួមនិងវត្ថុតាង កម្លាំងជំនាញយើងបានកសាងសំណុំរឿងបញ្ជូនទៅតុលាការដើម្បីចាត់ការតាមនីតិវិធីច្បាប់៕
ប្រភព៖ ផ្សព្វផ្សាយអប់រំ ស្នងការដ្ឋាននគរបាលខេត្តកំពត
