ពោធិ៍សាត់៖ នៅថ្ងៃទី២១ ខែមិថុនា ឆ្នាំ២០២៤ វេលាម៉ោង១៤និង៤៨នាទី កម្លាំងប៉ុស្តិ៍នគរបាលរដ្ឋបាលត្រពាំងជងសហការជាមួយ កម្លាំងជំនាញ នៃអធិការដ្ឋាននគរបាលស្រុកបាកាន ដឹកនាំដោយ លោក វ.ទោ សុង គឹមសែ បានចុះបង្ក្រាបករណីសម្រួលឲ្យប្រើប្រាស់ និងប្រើប្រាស់ដោយខុសច្បាប់នូវសារធាតុញៀនមួយលើកនៅចំណុចលើផ្លូវលំក្រាលក្រួសក្រហមស្ថិតនៅ ភូមិក្តីឈ្នួល ឃុំត្រពាំងជង។
ឃាត់ខ្លួនបានជនសង្ស័យ០២នាក់៖
១.ឈ្មោះ ស៊ន សៀក ហៅអួង ភេទប្រុស អាយុ ២៥ឆ្នាំ រស់នៅភូមិកោះកែវ ឃុំត្រពាំងជង
២.ឈ្មោះ អេង សៅ ភេទប្រុស អាយុ ២៧ឆ្នាំ រស់នៅភូមិ ក្តីឈ្នួល ឃុំត្រពាំងជង។
ដកហូតវត្ថុតាងរួមមាន៖
១.ម្ស៉ៅក្រាមពណ៌សថ្លាសង្ស័យជាសារធាតុញៀនចំនួន០១កញ្ចប់តូចទម្ងន់០.០៦ ក្រាមថ្លឹងទាំងសំបក, ដែកកេះ០៣, ប្រដាប់ជក់មួយកំប្លេ, កូនថង់ប្រើរួច០៣, អំពូលសម្រាប់ជក់០២, កញ្ចប់បារី០១, កាបូបស្ពាយតូច០១.ទូរស័ព្ទ០១គ្រឿង និងម៉ូតូមួយគ្រឿង។
បច្ចុប្បន្នជនសង្ស័យ និងវត្ថុតាងបានបញ្ជូនទៅកាន់អធិការដ្ឋាននគរបាលស្រុកបាកានដើម្បីចាត់ការតាមនីតីវិធី៕
ប្រភព៖ ស្នងការដ្ឋាននគរបាលខេត្តពោធិ៍សាត់
