កំពត៖ ថ្ងៃទី២១ខែ មិថុនា ឆ្នាំ២០២៤ វេលាម៉ោង ១១និង ៣០នាទី កម្លាំងជំនាញផ្នែកប្រឆាំងគ្រឿងញៀននៃអធិការដ្ឋាននគរបាលក្រុងកំពត បានបង្ក្រាបករណីជួញដូរ និងប្រើប្រាស់គ្រឿងញៀន ០១ករណី ស្ថិតនៅភូមិទ្វីខាងជើង សង្កាត់អណ្ដូងខ្មែរ ក្រុងកំពត ខេត្តកំពត។ ឃាត់ខ្លួនជនសង្ស័យម្នាក់ឈ្មោះ លី ទី (អាទី) ភេទ ប្រុស អាយុ ៣៥ឆ្នាំ មុខរបរ ចុងភៅ ទីលំនៅ ភូមិទ្វីខាងជើង សង្កាត់អណ្ដូងខ្មែរ ក្រុងកំពត ខេត្តកំពត។ ចាប់យកវត្ថុតាងរួមមាន៖ ម្សៅក្រាមពណ៍សថ្លា ចំនួន ០២កញ្ចប់ (ម៉ាទឹកកក), ទូរស័ព្ទដៃចំនួន ០៣ គ្រឿង និងម៉ូតូ០១គ្រឿង ។
បន្ទាប់ពីបានស្ដាប់ចម្លើយសារភាពរបស់ជនសង្ស័យរួចកម្លាំងសមត្ថកិច្ចក៏បានបន្តទៅឃាត់ខ្លួនជនសង្ស័យបានចំនួន០២នាក់ទៀត មានឈ្មោះ វឿន អាទីកាស់ ភេទ ស្រី អាយុ ២៩ឆ្នាំ មុខរបរ មិនពិតប្រាកដ ទីលំនៅ ភូមិទ្វីខាងជើង សង្កាត់អណ្ដូងខ្មែរ ក្រុងកំពត ខេត្តកំពត (ជួញដូរ) និងឈ្មោះ កូវ ចាន់ហុង ភេទ ស្រី អាយុ ២១ឆ្នាំ មុខរបរ នារីខារ៉ាអូខេ ទីលំនៅ ភូមិទ្វីខាងជើង សង្កាត់អណ្ដូងខ្មែរ ក្រុងកំពត ខេត្តកំពត (ជួញដូរ)។ ចាប់យកវត្ថុតាងរួមមាន៖ ម្សៅក្រាមពណ៍សថ្លាចំនួន ០៣ កញ្ចប់ ( ម៉ាទឹកកក ), ឧបករណ៍សម្រាប់ប្រើប្រាស់គ្រឿងញៀន ០១ កំប្លេ, ថង់សម្រាប់វេចខ្ចប់ថ្នាំញៀន មួយចំនួន និងទូរស័ព្ទដៃចំនួន ០២ គ្រឿង ។
សរុបឃាត់ខ្លួនជនសង្ស័យបានចំនួន ០៣ នាក់ (ស្រី ០២ នាក់) និងដកហូតបានវត្ថុតាងរួមមានថ្នាំញៀនចំនួន ០៥ កញ្ចប់, ទូរស័ព្ទចំនួន ០៥ គ្រឿង, ម៉ូតូចំនួន ០១គ្រឿង, ឧបករណ៍សម្រាប់ជក់ ០១ កំប្លេរ និងថង់សម្រាប់វេចខ្ចប់មួយចំនួនទៀត។ បច្ចុប្បន្នជនសង្ស័យ នឹងវត្ថុតាងសមត្ថកិច្ចយើងកំពុងកសាងសំណុំរឿងបញ្ជូនទៅតុលាការដើម្បីចាត់ការតាមនីតិវិធីនៃច្បាប់៕
ប្រភព៖ ផ្សព្វផ្សាយអប់រំ ស្នងការដ្ឋាននគរបាលខេត្តកំពត
