កំពង់ធំ ៖កម្លាំងនគរបាលខេត្ត បញ្ជូនជនសង្ស័យជាក្មេងទំនើង ដែលប្រព្រឹត្តអំពើ ហឹង្សាដោយចេតនាទៅសាលាដំបូងខេត្ត នារសៀលថ្ងៃពុធ ១៣កើត ខែជេស្ឋ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី ១៩ ខែមិថុនា ឆ្នាំ២០២៤ ។
លោកវរសេនីយ៍ឯក ស សុបិន្តស្នងការរងបានឲ្យដឹងថា កាលពីវេលាម៉ោង ០០និង៣៥នាទី ថ្ងៃទី ១៧ ខែ.ឆ្នាំដដែល មានករណីហិង្សាចេតនាកើតឡើងចំនួន ០១ លើកស្ថិតនៅចំណុចមុខផ្សារតាំងក្រសាំង ក្នុងភូមិតាំងក្រសាំង ឃុំតាំងក្រសាំង ស្រុកសន្ទុកខេត្តកំពង់ធំ បង្ករដោយជនសង្ស័យចំនួន ០៣ នាក់ ធ្វើសកម្មភាពវាយទៅលើ ជនរងគ្រោះ ឈ្មោះ នីលីហ័រ ភេទប្រុស អាយុ១៦ឆ្នាំរស់នៅភូមិត្នោតជុំទី១ ឃុំត្នោតជុំ ស្រុកបារាយណ៍ រងគ្រោះ(របួសក្បាលស្រាល)។
ភ្លាមៗនោះ ក្រោយពីទទួលបានព័ត៌មានខាងលើ ក្រោមការដឹកនាំបញ្ជាផ្ទាល់ ពីលោកឧត្តមសេនីយ៍ទោ ម៉ែន លី ស្នងការនគរបាលខេត្ត កម្លាំងនគរបាលស្រុកសន្ទុក បានប្រើប្រាស់វិធានការជំនាញ ឈានទៅឃាត់ខ្លួន ជនសង្ស័យ ជាក្មេងទំនើងចំនួន ០៣ នាក់ ÷
១. ឈ្មោះ តាំង សម្បត្តិ ភេទប្រុស អាយុ២៨ឆ្នាំ នៅភូមិវាំងខាងត្បូង ឃុំតាំងក្រសាំង ស្រុកសន្ទុក ។
២.ឈ្មោះ គ្រី ឆេងស័រ ភេទប្រុស អាយុ២៥ឆ្នាំ រស់នៅភូមិ តាំងក្រសាំង ស្រុកសន្ទុក ជាមុខសញ្ញាទើបចេញពីពន្ធនាគាគ្រឿងញៀន។
៣.ឈ្មោះ ជិន សុចាន់ ហៅឌួង ភេទប្រុស អាយុ២៦ឆ្នាំ រស់នៅភូមិ៧មករា ឃុំតាំងក្រសាំង ស្រុកសន្ទុក ទើបចេញពីពន្ធនាគាគ្រឿងញៀន។
កម្លាំងនគរបាល ដកហូតបានវត្ថុតាងរួមមាន÷
១.ម៉ូតូចំនួន ០១ គ្រឿង ម៉ាកហុងដាឌ្រីម សេ១២៥ ពណ៌ខ្មៅ ផ្លាកលេខ កំពង់ធំ1E.4905 ផលិតឆ្នាំ ២០០៦ ឡើងតែមឆ្នាំ ២០២២លេខតួ និងម៉ាសុីន 8121242,
២.ទូរស័ព្ទ ០២ គ្រឿង,
៣.ក្បាលខ្សែក្រវ៉ាត់ចំនួន ០២ បញ្ជូនមកអធិការដ្ឋាននគរបាលស្រុកសន្ទុក ដើម្បីកសាងនីតិវិធី ៕
ប្រភព៖ នាយកដ្ឋានផ្សព្វផ្សាយអប់រំ
