បាត់ដំបង៖ នៅថ្ងៃពុធ ១៣កើត ខែជេស្ឋ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី១៩ ខែមិថុនា ឆ្នាំ២០២៤ វេលាម៉ោង០៩និង៣០នាទី នៅចំណុច ក្រុម ទី០៧ ភូមិស្វាយជ្រុំ ឃុំកំពង់ល្ពៅ ស្រុកសំឡូត ខេត្តបាត់ដំបង មានករណីលួច (លុយទុកនៅក្នុងកន្ត្រក ) មួយកើតឡើង ប្រព្រឹត្តដោយជនសង្ស័យមិនស្គាល់អត្តសញ្ញាណ មានគ្នាចំនួន០២នាក់ បានធ្វេីសកម្មភាពជិះឡាន ០១ គ្រឿង ម៉ាកសាមយ៉ុង ពណ៌ ប្រផេះ បាន ដេីរតួធ្វើជាអ្នកលក់ថ្នាំដូសធ្មេញ និងសាប៊ូបោកខោអាវ បន្លំចូលលួចលុយទុកនៅក្នុង កន្ត្រករបស់ជនរងគ្រោះ ឈ្មោះ ឡុង សុខរ៉េម ភេទ ស្រី អាយុ ២៤ឆ្នាំ រសរស់នៅភូមិស្វាយជ្រុំ ឃុំកំពង់ល្ពៅ ស្រុកសំឡូត ខេត្តបាត់ដំបង អស់ ចំនួន ប្រហែល ៤លានរៀល ជាង និងក្រវិលបៀរយែ និងភេសជ្ជៈ ប្រហែល ៤០០ជាង នៅក្នុងផ្ទះលក់ឥវ៉ាន់ ។
ក្រោយពីទទួលបណ្តឹងជនរងគ្រោះ កម្លាំងផ្នែកជំនាញនគរបាលយុត្តិធម៌ នៃអធិការដ្ឋាននគរបាលស្រុកសំឡូត សហការជាមួយកម្លាំងជំនាញយុត្តិធម៌ នៃ អធិការដ្ឋានស្រុករតនៈមណ្ឌល ដឹកនាំដោយលោកវរសេនីយ៍ទោ ម៉ែន រីម អធិការនគរបាលស្រុកសំឡូត ចុះធ្វើការស៊ើបអង្កេតស្រាវជ្រាវ រហូត ដល់ ម៉ោង ប្រហែល ១៦ និង ១០ នាទី នៅថ្ងៃដដែល បានកំណត់អត្តសញ្ញាណឈានដល់ការនាំខ្លួនជនសង្ស័យម្នាក់ ឈ្មោះ ជីម ជិន ភេទ ប្រុស អាយុ ៤០ឆ្នាំ រស់នៅ ភូមិ ដូនតី ឃុំដូនតី ស្រុកពញាក្រែក ខេត្តត្បូងឃ្មុំ មុខរបរ មិនពិតប្រាកដ ចំណែកបក្សពួក ០១នាក់ ទៀត ឈ្មោះ ភីត ភេទប្រុស អាយុ ប្រហែល ២០ជាង ជាកម្មករជួយ លេីក ឥវ៉ាន់ បាន រត់គេចខ្លួន ជនសង្ស័យត្រូវបានកម្លាំងសមត្ថកិច្ចយកមកសាកសួរនៅអធិការដ្ឋាននគរបាលស្រុកសំឡូត ។
ក្រោយពីបានសាកសួរជនសង្ស័យខាងលើ បានឆ្លើយសារភាពថាខ្លួនបានធ្វើសកម្មភាពលួចលុយ និងក្រវិលកំប៉ុងបៀរយែ និង ភេសជ្ជៈ របស់ជនរងគ្រោះពិតប្រាកដមែន ។
វត្ថុតាងដកហូតបានរួមមាន៖
-ឡាន ម៉ាក សាមយ៉ុង ពណ៌ ប្រផេះ ស្លាក លេខ ភ្នំពេញ 2H-2564 ឆ្នាំ ១៩៩៦
-ក្រវិល កំប៉ុងបៀរយែ ចំរុះ ចំនួន ៤០០ ក្រវិល
-ក្រវិល ភេសជ្ជៈ ចំរុះ ចំនួន ៧០ ក្រវិល និង ៤៨ ដប
– ធូប ចំនួន ០២កេស
-សាប៊ូ បោក ខោអាវ ចំនួន ០៤ កាដុង
-ទូរស័ព្ទដៃ ម៉ាក OPPO A17 ពណ៌ ទឹក ប៊ិច ចំនួន ០១គ្រឿង
-ទឹក ប្រាក់ នៅ ក្នុងគណនី Wing ចំនួន ៦៦៩០០០ រៀល ។
ករណីនេះ ជនសង្ស័យខាងលើត្រូវបានកម្លាំងនគរបាលស្រុកសំឡូត កសាងសំណុំរឿងបញ្ជូនទៅការិយាល័យជំនាញខេត្ត ដើម្បីចាត់ការបន្តតាមនីតិវិធី ៕
ប្រភព៖ នាយកដ្ឋានផ្សព្វផ្សាយអប់រំ
