បាត់ដំបង៖ នៅថ្ងៃអង្គារ ១២កើត ខែជេស្ឋ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី១៨ ខែមិថុនា ឆ្នាំ២០២៤ វេលាម៉ោង២០និង០០នាទី កម្លាំងអធិការដ្ឋាននគរបាលក្រុងបាត់ដំបង បានទទួលព័ត៌មានពីប្រជាពលរដ្ឋថាមាន មានករណីហិង្សាដោយចេតនាមានស្ថានទម្ងន់ទោស (វាយលើគ្នាទៅវិញទៅមក) មួយកើតឡើង ស្ថិតនៅចំណុចក្រុមទី២៧ ភូមិចំការសំរោង២ សង្កាត់ចំការសំរោង ក្រុងបាត់ដំបង ខេត្តបាត់ដំបង ។
បន្ទាប់ពីទទួលព័ត៌មាននេះភ្លាម កម្លាំងជំនាញនគរបាលព្រហ្មទណ្ឌ រួមជាមួយកម្លាំងប៉ុស្តិ៍នគរបាលរដ្ឋបាល នៃអធិការដ្ឋានគរបាលក្រុងបាត់ដំបង ដឹកនាំដោយលោកវរសេនីយ៍ឯក ពេជ្រ សារ៉ែន អធិការនគរបាលក្រុងបាត់ដំបង បានចុះធ្វើការឃាត់ខ្លួនជនសង្ស័យចំនួន ០២ក្រុម បានមនុស្សចំនួន ០៧នាក់៖
-ក្រុមទី១ មានគ្នាចំនួន ០៥នាក់
១/ឈ្មោះ រឿន ថា ភេទប្រុស អាយុ៣២ឆ្នាំ មានទីលំនៅភូមិចំការសំរោង១ សង្កាត់ចំការសំរោង ក្រុងបាត់ដំបង ខេត្តបាត់ដំបង
២/ឈ្មោះ ឃឹម សុជា ភេទប្រុស អាយុ៣៧ឆ្នាំ មានទីលំនៅភូមិចំការសំរោង២ សង្កាត់ចំការសំរោង ក្រុងបាត់ដំបង ខេត្តបាត់ដំបង
៣/ឈ្មោះ ម៉ែន គឹមឆាយ ភេទប្រុស អាយុ៤៧ឆ្នាំ មានទីលំនៅភូមិចំការសំរោង សង្កាត់ចំការសំរោង ក្រុងបាត់ដំបង ខេត្តបាត់ដំបង។
៤/ឈ្មោះ សៅ ឡែន ភេទប្រុស អាយុ៣១ឆ្នាំ មានទីលំនៅភូមិជ្រៃកោង សង្កាត់ស្លាកែត ក្រុងបាត់ដំបង ខេត្តបាត់ដំបង
៥/ឈ្មោះ ទូច ប៊ុនរ៉ុង ភេទប្រុស អាយុ២៦ឆ្នាំ មានទីលំនៅភូមិអញ្ចាញ សង្កាត់អូរចារ ក្រុងបាត់ដំបង ខេត្តបាត់ដំបង។
-ក្រុមទី២ មានគ្នាចំនួន ២នាក់
១/ឈ្មោះ តែម មុនី ភេទប្រុស អាយុ៤៥ឆ្នាំ មានទីលំនៅភូមិចំការសំរោង២ សង្កាត់ចំការសំរោង ក្រុងបាត់ដំបង ខេត្តបាត់ដំបង
២/ឈ្មោះ មុនី រក្សា ភេទប្រុស អាយុ២៥ឆ្នាំ មានទីលំនៅភូមិចំការសំរោង២ សង្កាត់ចំការសំរោង ក្រុងបាត់ដំបង ខេត្តបាត់ដំបង មកកាន់អធិការដ្ឋាននគរបាលក្រុងបាត់ដំបង ដើម្បីធ្វើការសាកសួរ ។
ក្រោយពីសាកសួរជនសង្ស័យទាំងសងខាងបានសារភាពថាពួកខ្លួនពិតជាបានប្រើអំពើហិង្សាវាយលើគ្នាទៅវិញទៅមកបណ្ដាលអោយមានរបួសស្នាមទាំងសងខាងពិតប្រាកដមែន ។ មូលហេតុដោយសា ភាគីម្ខាងជិះម៉ូតូបុកឆ្កែដួលស្រែកសួររកម្ចាស់ឆ្កែ ភ្លាមនោះម្ចាស់ឆ្កែក៍ចេញមកធ្វេីអោយទាស់សម្ដីគ្នាបណ្ដាលអោយកេីតហិង្សាតែម្ដង ។
បច្ចុប្បន្ន ជនសង្ស័យខាងលេីត្រូវសមត្ថកិច្ចជំនាញ កំពុងកសាងសំណុំរឿងបញ្ជូនទៅការិយាល័យជំនាញខេត្ត ដើម្បីចាត់ការបន្តតាមនីតិវិធី ៕
ប្រភព៖ នាយកដ្ឋានផ្សព្វផ្សាយអប់រំ
