បាត់ដំបង៖ នៅថ្ងៃចន្ទ ១១កើត ខែជេស្ឋ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី១៧ ខែមិថុនា ឆ្នាំ២០២៤ វេលាម៉ោង០៥និង១៥នាទី មានករណីជនបរទេសម្នាក់ស្លាប់ នៅផ្ទះសំណាក់យូរ ចាន់ទី បន្ទប់លេខ០៩ ស្ថិតនៅក្រុមទី៤២ ភូមិព្រែកមហាទេព សង្កាត់ស្វាយប៉ោ ក្រុងបាត់ដំបង ខេត្តបាត់ដំបង សពឈ្មោះ LEE KWHANG ភេទប្រុស អាយុ៧៥ឆ្នាំ ជនជាតិកូរ៉េ កាន់លិខិតឆ្លងដែនលេខ M781H1376 ផុតកំណត់ថ្ងៃទី២៥ ខែមេសា ឆ្នាំ២០៣២ ទិដ្ឋាការលេខ Tex1900052854 ផុតកំណត់ថ្ងៃទី០១ ខែសីហា ឆ្នាំ២០២៤ ដែលបានមកស្នាក់នៅផ្ទះសំណាក់ យូរ ចាន់ទី បន្ទប់លេខ០៩ ស្ថិតនៅក្រុមទី៤២ ភូមិព្រែកមហាទេព សង្កាត់ស្វាយប៉ោ ក្រុងបាត់ដំបង ខេត្តបាត់ដំបង ជាភ្ញៀវទេសចរណ៍ ។
ក្រុមការងារកោសល្យវិច្ច័យសព មានតំណាងអយ្យការអមសាលាដំបងខេត្ត គ្រូពេទ្យបង្អែកខេត្ត នគរបាលបច្ចេកទេសវិទ្យាសាស្ត្រ នគរបាលព្រហ្មទណ្ឌ កម្លាំងការិយាល័យស៊ើបអង្កេត និងអនុវត្តនីតិវិធី និងកម្លាំងអធិការដ្ឋានក្រុងបាត់ដំបង បានធ្វើកោសល្យវិច្ច័យ និងសន្និដ្ឋានថាសពពិតជាស្លាប់ដោយសារគាំងបេះដូង និងមានជម្ងឺបេះដូងរ៊ាំរ៉ៃ ពិតប្រាកដមែន ។ បច្ចុប្បន្ន សាកសពជនជាតិកូរ៉េខាងលើត្រូវបានបញ្ជូនទៅរក្សាទុកនៅវត្តទឹកថ្លា រាជធានីភ្នំពេញ ៕
ប្រភព៖ នាយកដ្ឋានផ្សព្វផ្សាយអប់រំ
