ពោធិ៍សាត់៖ នៅថ្ងៃទី១២ ខែមិថុនា ឆ្នាំ២០២៤ វេលាម៉ោង ៦ និង ៣០នាទីព្រឹក សមត្ថកិច្ចនគរបាលស្រុកភ្នំក្រវាញបានឃាត់ខ្លួនជនសង្ស័យម្នាក់ ដែលបានលួចម៉ូតូ១គ្រឿងម៉ាក ហុងដាសុីប៊ី ពណ៌ខ្មៅ សេរីឆ្នាំ២០១៩ ពាក់ផ្លាកលេខ កំពង់ស្ពឺ 1O-9666 លេខតួ2883K5133098 លេខម៉ាសុីន0033098 ជាម៉ូតូរបស់ជនរងគ្រោះឈ្មោះ រឿង សារ៉ូត ភេទប្រុស អាយុ២៤ឆ្នាំ រស់នៅភូមិត្រពាំងពោធិ៍ ឃុំភ្នំតូច ស្រុកសាមគ្គីមានជ័យ ខេត្តកំពុងស្ពឺ កាលពីថ្ងៃទី៩ ខែមិថុនា ឆ្នាំ២០២៤ វេលាម៉ោង ៨ និង ៤០នាទីយប់។
ជនសង្ស័យដែលសមត្ថកិច្ចឃាត់មានឈ្មោះ ទ លហ ភេទប្រុស អាយុ១៧ឆ្នាំ រស់នៅភូមិច្រាបកន្ទួត ឃុំពៀម ស្រុកសាមគ្គី ខេត្តកំពុងឆ្នាំង។ ករណីនេះសមត្ថកិច្ចនគរបាលយើង បានប្រគល់ជនសង្ស័យនិងវត្ថុតាងម៉ូតូខាងលើឲ្យទៅសមត្ថកិច្ចនគរបាលស្រុកសំរោងទង ដែលជាម្ចាស់ករណីរឿង ដើម្បីកសាងសំណុំរឿងចាត់ការតាមនីតិវិធីច្បាប់៕
ប្រភព៖ ស្នងការដ្ឋាននគរបាលខេត្តពោធិ៍សាត់