ព្រះវិហារ៖ នៅវេលាម៉ោង១២:០០នាទី ថ្ងៃទី១០ ខែមិថុនា ឆ្នាំ២០២៤ នៅចំណុចភូមិក្បាលខ្លាច ឃុំភ្នំត្បែងមួយ ស្រុកសង្គមថ្មី ខេត្តព្រះវិហារ ដោយមានការចង្អុលបង្ហាញពីរ លោក ឧត្តមសេនីយ៍ត្រី កង សៅគុណ មេបញ្ជាការ កងរាជអាវុធហត្ថខេត្តព្រះវិហារ កម្លាំងមូលដ្ឋានកងរាជអាវុធហត្ថស្រុកសង្គមថ្មី ដឹកនាំដោយ លោក អនុសេនីយ៍ឯក ស្រី វណ្ណនី មេបញ្ជាការមូលដ្ឋានកងរាជអាវុធហត្ថស្រុកសង្គមថ្មី បានបង្ក្រាបជាក់ស្តែង១លើក ពាក់ព័ន្ធករណីរក្សាទុក ឬជួញដូរ និងប្រើប្រាស់នូវសារធាតុញៀនដោយខុសច្បាប់ ហើយបន្តទៅឆែកឆេរខ្ទមចាំចំការ នៅភូមិឈូក ឃុំភ្នំត្បែងពីរ ស្រុកគូលែន ខេត្តព្រះវិហារ។
ជាលទ្ធផល ឃាត់ខ្លួនជនសង្ស័យម្នាក់មានឈ្មោះ សោ បុល ភេទប្រុស អាយុ ៥១ឆ្នាំ មុខរបរ បើកខារ៉ាអូខេ រស់នៅភូមិក្បាលខ្លា ឃុំត្បែងមួយ ស្រុកសង្គមថ្មី ខេត្តព្រះវិហា។ ដកហូតបានវត្ថុតាងរួមមានម្ស៉ៅក្រាមសថ្លា ចំនួន០១កញ្ចប់, កាំភ្លើងកែច្នៃ(កាបុីន) ១ដើម និងម៉ូតូចំនួន ១គ្រឿង។
បច្ចុប្បន្នជនសង្ស័យ និងវត្ថុតាងយកមកទីបញ្ជាការកងរាជអាវុធហត្ថខេត្តព្រះវិហារដើម្បីបំពេញនីតិវិធី៕
