មណ្ឌលគិរី ៖ នៅថ្ងៃទី៧ ខែមិថុនា ឆ្នាំ២០២៤ មានករណីហិង្សាដោយចេតនា (វាយគ្នាទៅវិញទៅមក បង្កឡើងដោយក្មេងទំនើង) ទីកន្លែងកើតហេតុ ភូមិអូរយ៉េះ ឃុំស្រែសង្គម ស្រុកកោះញែក ខេត្តមណ្ឌលគិរី វេលាម៉ោង ២១ និង ៣០ នាទី នៅថ្ងៃទី៦ ខែមិថុនា ឆ្នាំ ២០២៤ បង្កឡើងដោយក្រុមក្មេងទំនើងចំនួនពីរក្រុម ក្រុមទី១ដែលមានឈ្មោះដូចខាងក្រោម៖ ១. ជនសង្ស័យឈ្មោះ លីម ពៅ ហៅវីត ភេទប្រុស អាយុ ១៩ឆ្នាំ មុខរបរ កសិករ រស់នៅភូមិរង្សី ឃុំស្រែសង្គម ស្រុកកោះញែក ខេត្តមណ្ឌលគិរី ( ត្រូវបានឃាត់ខ្លួននៅអធិការដ្ឋាននគរបាលស្រុកកោះញែក )។ ទី២. ជនសង្ស័យឈ្មោះ មឿន ម៉ាណូ ភេទប្រុសអាយុ ១៥ឆ្នាំ មុខរបរសិស្ស រស់នៅភូមិរង្សី ឃុំស្រែសង្គម ស្រុកកោះញែក ខេត្តមណ្ឌលគិរី ( ត្រូវបានឃាត់ខ្លួននៅអធិការដ្ឋាននគរបាលស្រុកកោះញែក )។ ទី៣. ជនសង្ស័យឈ្មោះ ឈុនដួង រាជសីហ៍ ហៅទិ ភេទប្រុស អាយុ ១៥ឆ្នាំ មុខរបរសិស្ស រស់នៅភូមិរង្សី ឃុំស្រែសង្គម ស្រុកកោះញែក ខេត្តមណ្ឌលគិរី (រត់គេចខ្លួន) ក្រុមទី២មានឈ្មោះដូចខាងក្រោ៖ ១. ជនសង្ស័យឈ្មោះ ប៉ាង ថៃ ភេទប្រុស អាយុ ១៩ឆ្នាំ រស់នៅចំណុចភូមិថ្មី ឃុំស្រែហ៊ុយ ស្រុកកោះញែក ខេត្តមណ្ឌលគិរី ( រត់គេចខ្លួន)។ ទី២. ជនសង្ស័យឈ្មោះ ប៉ាង ថាត់ ភេទប្រុស អាយុ ១៧ឆ្នាំ រស់នៅចំណុចភូមិថ្មី ឃុំស្រែហ៊ុយ ស្រុកកោះញែក ខេត្តមណ្ឌលគិរី( រត់គេចខ្លួន)។ ទី៣. មិនស្គាល់អត្តសញ្ញាណ អំពីសភាពអង់ហេតុ។
កាលពីថ្ងៃទី៦ ខែមិថុនា ឆ្នាំ ២០២៤ វេលាម៉ោង ២១ និង ៣០នាទី នៅចំណុច Concert ស្ថិតនៅ ភូមិអូរយ៉េះ ឃុំស្រែសង្គម ស្រុកកោះញែក ខេត្តមណ្ឌលគិរី ឈ្មោះ មឿន មនោ ភេទប្រុសអាយុ ១៥ឆ្នាំ បាននាំគ្នាទៅមើល Concert នៅចំណុចភូមិអូរយ៉េះ ឃុំស្រែសង្គម ស្រុកកោះញែក ខេត្តមណ្ឌលគិរី ដោយមានគ្នា ចំនួន ០៣ នាក់ ដែលមានឈ្មោះដូចខាងក្រោមនេះ ៖ ទី១/ឈ្មោះ ឈុន ដួងរាសី ហៅទិ ទី២/ឈ្មោះ លីម ពៅ ហៅវីត ពេលទៅដល់ទីតាំងកន្លែង Concert អ្នកទាំងបីនាក់បានឃើញក្រុមរបស់ឈ្មោះ ប៉ាង ថៃ ដែលមានគ្នា ចំនួន ០៣ នាក់ដូចគ្នា ពេលនោះក្រុមរបស់ឈ្មោះ ទិ ក៏បានស្ទុះទៅវាយជាមួយក្រុមរបស់ ឈ្មោះ ថៃ ដោយមានការវាយប្រតាយប្រតប់គ្នាទៅវិញទៅមក ពេលនោះសមត្ថកិច្ចយើងបានឃើញក៏បានចុះទៅអន្តរាគមន៍ធ្វើការឃាត់ខ្លួនបានជនសង្ស័យចំនួន០១នាក់ឈ្មោះ លីម ពៅ ហៅវីត ភេទប្រុស អាយុ ១៩ឆ្នាំ យកមកអធិការដ្ឋាននគរបាលស្រុកកោះញែក ដើម្បីធ្វើការសួរនាំ។ លុះព្រឹកឡើងថ្ងៃទី៧ ខែមិថុនា ឆ្នាំ ២០២៤ កម្លាំងអធិការដ្ឋាននគរបាល ស្រុកកោះញែក សហការជាមួយប៉ុស្តិ៍នគរបាលរដ្ឋបាលបានចុះទៅធ្វើការស្រាវជ្រាវរកឃាត់ខ្លួនបាន ជនសង្ស័យម្នាក់ទៀតឈ្មោះ មឿន ម៉ាណូ ភេទប្រុស អាយុ ១៥ឆ្នាំ យកមកអធិការដ្ឋាននគរបាល ស្រុកកោះញែកដើម្បីចាត់ការតាមនីតិវិធីបន្ត។
បច្ចុប្បន្នជនសង្ស័យ ចំនួន ០២នាក់ ត្រូវបានកម្លាំងសមត្ថកិច្ច នៃអធិការដ្ឋាននគរបាលនិងកម្លាំងសមត្ថកិច្ចនគរបាលព្រហ្មទណ្ឌ កំពុងកសាងសំណុំរឿងដើម្បីបន្តនីតិវិធីតាមផ្លូវច្បាប់។ ដោយឡែកជនសង្ស័យ ចំនួន ០៤ នាក់ទៀតដែលបច្ចុប្បន្នបានរត់គេចខ្លួន កម្លាំងជំនាញការិយាល័យនគរបាលព្រហ្មទណ្ឌកម្រិតស្រាល សហការជាមួយ កម្លាំងអធិការដ្ឋាននគរបាល ស្រុកកោះញែក និងប៉ុស្ដិ៍នគរបាលរដ្ឋបាលទាំ៦ កំពុងស្វែងរកចាប់ខ្លួន៕
