ភ្នំពេញ៖ នៅថ្ងៃទី០៦ ខែមិថុនា ឆ្នាំ២០២៤ វេលាម៉ោងប្រហែល១៣:៥០នាទី ផ្នែកជំនាញនគរបាលយុត្តិធម៌ នៃអធិការដ្ឋាននគរបាលខណ្ឌទួលគោក បានធ្វើការឃាត់ខ្លួនជនសង្ស័យចំនួន០១នាក់ ពីបទលួចមានស្ថានទម្ងន់ទោសដោយសារការប្រព្រឹត្តអំពើហិង្សា (ប្រើកូនកាំបិតចិតបន្លែចាក់ជនរងគ្រោះតែមិនបណ្តាលឱ្យរងរបួស ប្លន់យកម៉ូតូចំនួន០១គ្រឿង) ដែលបានប្រព្រឹត្តបទល្មើសនៅចំណុចភូមិអង្គរជ័យក្រោម ឃុំអង្គរជ័យ ស្រុកអង្គរជ័យ ខេត្តកំពត កាលពីថ្ងៃទី០៥ ខែមិថុនា ឆ្នាំ២០២៤ វេលាម៉ោងប្រហែល១១:១០នាទី ។
ជនសង្ស័យមានឈ្មោះ រស់ ចាន់សុខាវង្សវីរបុត្រ ហៅ បុត្រ ភេទប្រុស អាយុ១៦ឆ្នាំ ជនជាតិខ្មែរ មុខរបរ មិនពិតប្រាកដ ស្នាក់នៅផ្ទះលេខ៣J ផ្លូវលេខ៩០៧ សង្កាត់ឬស្សីកែវ ខណ្ឌឬស្សីកែវ រាជធានីភ្នំពេញ ។ វត្ថុតាងចាប់យកម៉ូតូចំនួន០១គ្រឿងម៉ាក HONDA SCOOPY ពណ៌ស ស៊េរីឆ្នាំ២០១៩ ពាក់ស្លាកលេខ តាកែវ-1R-4275ដែលមានលេខតួ និងលេខម៉ាស៊ីន 8146877 ។ ជនរងគ្រោះមានឈ្មោះ ភី សុផល ភេទស្រី អាយុ៥២ឆ្នាំ ជនជាតិខ្មែរ មុខរបរ គ្រូបង្រៀន ស្នាក់នៅភូមិអង្គរជ័យក្រោម ឃុំអង្គរជ័យ ស្រុកអង្គរជ័យ ខេត្តកំពត ។
បច្ចុប្បន្នជនសង្ស័យខាងលើ ត្រូវបានប្រគល់អោយសមត្ថកិច្ចអធិការដ្ឋាននគរបាលស្រុកអង្គរជ័យ នៃស្នងការដ្ឋាននគរបាលខេត្តកំពត ដើម្បីចាត់ការបន្តតាមនីតិវិធី៕
ប្រភព៖ អធិការដ្ឋាននគរបាលខណ្ឌ ទួលគោក
