បាត់ដំបង៖ អាវុធទាំងនេះរកឃើញនៅលំនៅដ្ឋានក្នុងដីឡូត៍មួយកន្លែង ក្នុងក្រុមទី២៧ ភូមិសម្តេច ឃុំតាប៉ុន ស្រុកសង្កែ ខេត្តបាត់ដំបង។ សមត្ថកិច្ចជំនាញស្រាវជ្រាវមុខសញ្ញាសង្ស័យឃាត់ខ្លួនស្ត្រីម្នាក់ និងរឹបអូសបានអាវុធវែង ខ្លីជាង ៤០ដើម រួមទាំងគ្រាប់ ២២គ្រាប់។
អាវុធទាំងអស់ដែលដកហូតបានរួមមាន÷ ប្រភេទ AK ៤៧ ចំនួន ១១ដើម, M ១៦ ចំនួន ៤ដើម, M ៤ ចំនួន ២ដើម, កភ្លើង THUNDER X ១ដើម, កាំភ្លើងខ្យល់ ៥ដើម, កាំភ្លើងរឡូ ១ដើម, កាំភ្លើងវែងបាញ់សត្វ ១៦ដើម ក្រៅពីនេះក៏មានបង់ AK ២៩បង់, M ១៦ ចំនួន ១៤បង់, គ្រាប់AK ៤៧, M ១៦, ៩ MM , គ្រាប់៣៨០ សរុបចំនួន ២២គ្រាប់ និងសម្ភារ:កែច្នៃមួយចំនួនទៀត។
ក្រោយការឆែកឆេរ កម្លាំងសមត្ថកិច្ចបានឃាត់ខ្លួនឈ្មោះ សាន់ ភ័ណ្ឌ ភេទស្រី យកទៅសួរនាំបន្តដើម្បីរកប្រភពពីការលាក់ទុកអាវុធនេះ៕
ប្រភព៖ វ៉ាន់ សារាយ Vann Saray
