ភ្នំពេញ៖ នៅថ្ងៃទី០២ ខែមិថុនា ឆ្នាំ២០២៤ វេលាម៉ោង ០៣:០០នាទីទៀបភ្លឺ កម្លាំងប៉ុស្តិ៍នគរបាលរដ្ឋបាលចាក់អង្រែលើ កំពុងល្បាតក្នុងមូលដ្ឋានរហូតដល់ចំណុចច្រមុះជ្រូកក្បាលថ្នល់ ផ្លូវ២៧១ ភូមិព្រែកតានូ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ ឃើញជនសង្ស័យឈ្មោះ វ្វាង យុំាងតេវ កំពុងបើកម៉ូតូក៏ហៅសាកសួរ រួចជនសង្ស័យក៏បានបោះកញ្ចប់បារីទៅដី ដោយមានក្រាមព៌ណសថ្លា មួយកញ្ចប់ធំល្មម(សង្ស័យជាថ្នាំញៀន) នៅក្នុងកញ្ចប់បារីនោះ ទើបសមត្ថកិច្ចឃាត់ខ្លួនយកមកស្នាក់ការប៉ុស្តិ៍ដើម្បីសាកសួរ រួចជនសង្ស័យបានឆ្លើយសារភាពក្រាមព៌ណសថ្លានោះ ខ្លួនបានទិញពីជនមិនស្គាល់ក្នុងតម្លៃចំនួនបីមុឺនរៀល នៅក្នុងតំបន់សំណង់មិនរៀបរយផ្លូវ៦០ម៉ែត្រ។
ជនសង្ស័យមានឈ្មោះ វ្វាង យុំាងតេវ ភេទប្រុស អាយុ ៣២ឆ្នាំ ស្នាក់នៅភូមិដើមចាន់ សង្កាត់ច្បារអំពៅ២ ខណ្ឌច្បារអំពៅ រាជធានីភ្នំពេញ។ វត្ថុតាងដកហូតរួមមាន៖
+ក្រាមព៌ណសថ្លាចំនួន ០១ កញ្ចប់ធំល្មម (សង្ស័យជាថ្នាំញៀន)។
+ម៉ូតូ ០១គ្រឿង ម៉ាកធូដេ ព៌ណផ្កាឈូក។
+សំបកកញ្ចប់បារីចំនួន ០១។
+ទូរស័ព្ទម៉ាកហួវៃព៌ណខ្មៅ ០១គ្រឿង។
បច្ចុប្បន្នសមត្ថកិច្ចកំពុងសួរនាំបន្តនីតិវីធីតាមផ្លូវច្បាប់៕
ប្រភព៖ ប៉ុស្តិ៍នគរបាលរដ្ឋបាលចាក់អង្រែលើ
