កណ្តាល៖ បន្ទាប់ពីមានពលរដ្ឋរាយការណ៍ចូលមកក្នុងគ្រុបតេលេក្រាមផ្លូវការអធិការដ្ឋាននគរបាលក្រុងតាខ្មៅhttps://t.me/PoliceTakhmaol ដោយមានខ្លឹមសារថា (សួរស្តីបងៗ សមត្ថកិច្ចនៅខាងស្វាយរលំភូមិមួយក៏ផ្លូវបេតុងថ្មី មានក្មេងស្ទាវជិះម៉ូតូម៉ាក Exciter អត់ស្លាកលេខកែឆ្នៃស៊ីមាំងលាន់សម្លេងរំខានដល់ប្រជាពលរដ្ឋនិងកូនខ្ញុំតូចគេងមិនបាន សុំខាងបងៗជួយណែនាំគាត់ផងបង អគុណបង)។
ក្រោយទទួលបានព័ត៍មានភ្លាម លោកវរសេនីយ៍ឯក យី វណ្ណដា អធិការ នៃអធិការដ្ឋាននគរបាលក្រុងតាខ្មៅ បានបញ្ជាកម្លាំងអន្តរាគមន៍ សហការ ជាមួយប៉ុស្តិ៍នគរបាលរដ្ឋបាលស្វាយរលំ ចុះពិនិត្យស្រាវជ្រាវ ជាក់ស្តែងយើងឃាត់បានម៉ូតូចំនួន០៣ គ្រឿង ដែលមានការកែច្នៃខុសបច្ចេកទេស និង កែច្នៃបំពាក់បំពង់សុីម៊ាំងលាន់ ដើម្បីយកមករក្សារទុកដើម្បីបន្តរនីតិវិធី ៕
ប្រភព៖ អធិការដ្ឋាននគរបាលក្រុងតាខ្មៅ
