ពោធិសាត់៖ ដោយអនុវត្តបទបញ្ជា យ៉ាងមុឺងម៉ាត់ និងមតិដឹកនាំដ៏ខ្ពង់ខ្ពស់លោកឧត្តមសេនីយ៍ទោ ស ថេង ស្នងការនៃស្នងការដ្ឋាននគរបាលខេត្តពោធិ៍សាត់ អំពីការទប់ស្កាត់ក្មេងទំនើង និងមានការដឹកនាំបញ្ជាផ្ទាល់ របស់លោកវរសេនីយ៍កឯក នាង វុធ អធិការនគរបាលស្រុកបាកាន នៅថ្ងៃទី ២៩ ខែ ឧសភា ឆ្នាំ ២០២៤ វេលាយប់កម្លាំងប៉ុស្តិ៍នគរបាលរដ្ឋបាលរំលេចចំនួន ០៤ នាក់ ជិះម៉ូតូចំនួនពីរគ្រឿងល្បាតទប់ស្កាត់បទល្មើសនិងរក្សាសុវត្ថិភាពជូនប្រជាពលរដ្ឋ នៅពេលយប់លុះដល់ម៉ោងវេលា ២៣ និង ៣៥ នាទី ពេលកម្លាំងយើងកំពុងល្បាតនៅចំណុចភូមិប្រឡាយរំដេង ឃុំរំលេច ឃើញមានមនុស្សមួយក្រុមកំពុងជិះម៉ូតូលើផ្លូវគ្រួសក្រហម ពីទិសខាងជើងទៅទិសខាងត្បូង កម្លាំងបានឃាត់ចាប់បានឈ្មោះ វុន សោវរៈ អាយុ ២៤ ឆ្នាំរស់នៅភូមិខ្នារទទឹង ឃុំខ្នាទទឹង ស្រុកបាកានខេត្តពោធិ៍សាត់ ។
វត្ថុតាងដកហូត កាំបិតផ្គាក់០១ ដុំថ្ម ០៦ដុំ ម៉ូតូ០១គ្រឿង ធុននិចពណ៌សផ្លាកលេខ ភ្នំពេញ 1FN :6062 រីឯបក្សពួក ០៦ នាក់ទៀតជិះម៉ូតូចំនួន ០២គ្រឿងមានដាវកែច្នៃ០១ រត់គេចខ្លួន។ ជនសង្ស័យឈ្មោះ វុន សោវរៈ បានធ្វើតេស្តស្វែងរកសាធាតុញៀន ជាលទ្ធផលអវិជ្ជមាន(-) បានឃាត់ខ្លួននៅអធិការនគរបាលស្រុកបាកាន បំបែបបទតាមនិតិវិធី ពីបទកាន់កាប់ឬដឹកជញ្ជូនអាវុធដោយគ្មានការអនុញ្ញាត តាមបញ្ជាឯកឧត្តម កូយ កាន់យ៉ា ព្រះរាជអាជ្ញាអមសាលាដំបូងខេត្តពោធិ៍សាត់។ ចំពោះបក្សពួកចំនួន៦នាក់ទៀតដែលកំពុងគេចខ្លួនសមត្ថកិច្ចយើងកំពុងស្រាវជ្រាវនិងបន្តនីតិវិធី៕
ប្រភព៖ អធិការដ្ឋាននគរបាលស្រុកបាកាន
