ភ្នំពេញ៖ ដោយមានការចង្អុលដឹកនាំពីឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ ឱ្យអធិការដ្ឋាននគរបាលខណ្ឌទាំង១៤ ត្រូវសហការគ្នាឲ្យបានម៉ឺងម៉ាត់ដើម្បីបង្ការទប់ស្កាត់ និងបង្ក្រាបក្មេងទំនើងឱ្យមានប្រសិទ្ធខ្ពស់។
នៅព្រឹកថ្ងៃទី ២៩ ឧសភា ឆ្នាំ ២០២៤ វេលាម៉ោង០៩ និង៣០នាទី កម្លាំងគណៈបញ្ជាការឯកភាពខណ្ឌ៧មករា ដែលដឹកនាំផ្ទាល់ដោយលោក ថេង សុថុល អភិបាល នៃគណៈអភិបាលខណ្ឌ ៧មករា លោក ណុប ផា អភិបាលរង និង លោក វរសេនីយ៍ទោ ជុន ប៊ុនណាន អធិការនគរបាលខណ្ឌមករា បានធ្វើការចុះត្រួតពិនិត្យរដ្ឋបាលនៅក្នុងភូមិសាស្ត្របុរីកីឡាទាំងមូល ជាលទ្ធផលបានត្រួតពិនិត្យឃើញនិងឃាត់ខ្លួនជនសង្ស័យចំនួន ២០នាក់ ក្នុងនោះជនសង្ស័យដែលប្រើប្រាស់គ្រឿងញៀនមានចំនួន ០៩ នាក់ និង ជនសង្ស័យដែលជាមុខសញ្ញាក្មេងទំនើងមានចំនួន ១១ នាក់ ( មានសារធាតុញៀនក្នុងខ្លួន ០៦ នាក់)។ បច្ចុប្បន្នកម្លាំងជំនាញនៃអធិការនគរបាលខណ្ឌ៧មករា កំពង់បន្តនីតិវិធីអនុវត្តតាមច្បាប់៕
ប្រភព៖ ក្រុមការងារព័ត៌មាន និងប្រតិកម្មរហ័ស នៃស្នងការដ្ឋាននគរបាលរាជធានភ្នំពេញ
