កណ្តាល៖ ដោយអនុវត្តតាមបទបញ្ជារបស់លោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល
នៅថ្ងៃទី២៩ ខែឧសភា ឆ្នាំ២០២៤ កម្លាំងជំនាញនៃអធិការដ្ឋាននគរបាលស្រុកអង្គស្នួល បានបង្ក្រាបករណី ក្មេងទំនើង (គេចសាលាមិនចូលរៀន) នៅចំណុច៖ ផ្លូវបេតុង ភូមិត្រពាំងក្រសាំង ឃុំម្កាក់ ស្រុកអង្គស្នួល ខេត្តកណ្តាល។ សិស្សានុសិស្សដែលគេចសាលាចំនួន០៥នាក់ និងមធ្យោបាយម៉ូតូចំនួន ០៣គ្រឿង៖
១.ម៉ូតូម៉ាក Suzuki Nex ពណ៌ស ផលិតឆ្នាំ២០២៤ ពាក់ផ្លាកលេខ ភ្នំពេញ 1KP-7284 ។
២.ម៉ូតូម៉ាក Honda Dream C125 ពណ៌ក្រហម ផលិតឆ្នាំ២០២២ ពាក់ផ្លាកលេខ ភ្នំពេញ 1JB-7973។
៣.ម៉ូតូម៉ាក Honda Dream C125 ពណ៌ខ្មៅ ផលិតឆ្នាំ២០២២ ពាក់ផ្លាកលេខ ភ្នំពេញ 1DH-7693។
តាមចម្លើយសារភាពរបស់សិស្សានុសិស្សទាំង០៥នាក់ខាងលើ បានឆ្លើយសារភាពថា ខ្លួនពិតជាបាននាំគ្នាមិនចូលរៀនក្នុងគោលបំណងជិះម៉ូតូទៅដើរលេងនៅរាជធានីភ្នំពេញប្រាកដមែន ។ ចំពោះករណីខាងលើនេះ កម្លាំងជំនាញកំពុងបន្តចាត់ការតាមនីតិវិធី៕
ប្រភព៖ ស្នងការដ្ឋាននគរបាលខេត្តកណ្តាល
