ភ្នំពេញ៖ បើតាមការឱ្យដឹងពីមន្ត្រីអង្គការ NatureLife នៅថ្ងៃទី១៦ ខែឧសភា ឆ្នាំ២០២៤នេះថា សត្វក្រៀលចំនួន១៦ក្បាល ត្រូវបានក្រុមការងារយើងកត់ត្រាថា ជាហ្វូងដែលបានចាក ចេញចុងក្រោយពីតំបន់ការពារទេសភាពអន្លង់ព្រីង កាលពីថ្ងៃទី១០ ខែឧសភា ឆ្នាំ២០២៤ ទៅទីតាំងបន្តពូជ។
សត្វក្រៀលបំលាស់ទីមក តំបន់អន្លងព្រីង ចាប់ពីខែធ្នូដល់ ខែឧសភា ជារៀងរាល់ឆ្នាំ ពូកវារកចំណីក្នុងតំបន់ការពារ និងក្នុងស្រែរបស់កសិករជាពិសេសស្រែស្រូវមិត្តក្រៀល។ ឆ្នាំនេះតំបន់ដីសើមអន្លងព្រីងក៏ដូចជាតំបន់ផ្សេងៗទៀតដែររងការប៉ះពាល់ដោយកំដៅ និង ការរីកស្ងួតខ្លាំង ដែលបណ្តាលសត្វក្រៀលខ្វះទឹកសាប។ បរិភោគអង្ករមិត្តក្រៀល គឺចូលរួមការពារសត្វក្រៀលកម្រ និងឈានទៅជិតផុតពូជរបស់យើងទាំងអស់គ្នា។
គួរបញ្ជាក់ថា តំបន់ការពារទេសភាពអន្លង់ព្រីង ស្ថិតនៅស្រុកកំពង់ត្រាច ខេត្តកំពតត្រូវ បានបង្កើត ឡើងដោយអនុក្រឹត្យ លេខ ៨៤ អនក្រ-បក ចុះថ្ងៃទី០៩ ខែឧសភា ឆ្នាំ២០១៦។ ផ្លូវ ហោះហើរសត្វស្លាប គឺជាពាក្យដែលប្រើសម្រាប់បង្ហាញ ពីតំបន់ភូមិសាស្ត្រមួយ ដែលសត្វ ស្លាបទេសន្តរប្រវេសន៍ជាច្រើនធ្វើការបម្លាស់ទីពីជម្រកពងកូន ទៅទីសំចត និងទីតាំងស្វែងរក ចំណីក្នុងរដូវកាលជាក់លាក់មួយជាប្រចាំឆ្នាំរបស់ពួកវា ៕
ប្រភព៖ AKP
