សៀមរាប៖ អាជ្ញាធរស្រុកបន្ទាយស្រីបានឱ្យដឹងថា នៅថ្ងៃទី០៦ ខែឧសភា ឆ្នាំ២០២៤ ឃុំទាំង៦ នៃស្រុកបន្ទាយស្រី មានភ្លៀងធ្លាក់ និងមានខ្យល់កន្ត្រាក់ នៅម៉ោង ១៥និង៣០ នាទីរសៀល។
ក្នុងនោះមានផលប៉ះពាល់ និងខូចខាតផ្ទះរបស់ប្រជាពលរដ្ឋសរុប ៧០ខ្នងផ្ទះ នៅក្នុង ឃុំចំនួន២គឺ៖ ១-ឃុំរុនតាឯក មានភ្លៀងធ្លាក់ និងលាយឡំដោយខ្យល់កន្ត្រាក់ ចំនួនបឋម ខូចខាតផ្ទះចំនួន ៦៩ ខ្នងផ្ទះ ក្នុងរលំទាំងស្រុងមានចំនួន ៥ខ្នងផ្ទះ និងរបើកដំបូល ៦៤ខ្នងផ្ទះ ចំពោះប្រជាពលរដ្ឋពុំមានគ្រោះថ្នាក់ទេ និង២-ឃុំឃុនរាម មានភ្លៀងធ្លាក់ និងលាយដោយឡំខ្យល់កន្ត្រាក់ ចំនួនបឋម ខូចខាតចំនួន ១ ខ្នងផ្ទះ នៅភូមិឈូកស ឃុំឃុនរាម របើកដំបូលអស់ស័ង្កសីចំនួន ២៤សន្លឹក ចំពោះប្រជាពលរដ្ឋពុំមានគ្រោះថ្នាក់ទេ។
អាជ្ញាធរបានអំពាវនាវឱ្យប្រជាពលរដ្ឋមានការប្រុងប្រយ័ត្នឱ្យបានខ្ពស់ចំពោះគ្រោះធម្មជាតិនេះ ព្រោះវាអាចកើតឡើងបានគ្រប់ពេល៕
ប្រភព៖ AKP
