ភ្នំពេញ៖ ប៉ុស្តិ៍នគរបាលរដ្ឋបាលចាក់អង្រែលើ ឃាត់ខ្លួនជនសង្ស័យ ០១នាក់ ករណីលួចមានស្ថានទម្ងន់ទោស (ដោយគាស់ទម្លុះទម្លាយយកសំភារៈ)នៅចំនុចឃ្លាំង ផ្លូវជាតិលេខ២ ភូមិព្រែកតានូ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ កាលពីថ្ងៃទី១៦ ខែមីនា ឆ្នាំ២០២៤ វេលាម៉ោង០១៥:៣០នាទីរសៀល។
ឃាត់បានជនសង្ស័យម្នាក់មានឈ្មោះ ធើយ អាន ភេទប្រុស អាយុ ៣២ឆ្នាំ ជនជាតិវៀតណាម មុខរបរ មិនពិតប្រាកដ ស្នាក់នៅមិនពិតប្រាកដ (ឃាត់ខ្លួនមានផ្ទុកសារធាតុញៀន)។ ហើយសំភារៈបន្សល់ទុករួមមាន ធូបផ្សារដែកចំនួន ០៤កេស, ទីបសោរលេខ០៨ ចំនួន ០១ដើម។
គួរបញ្ជាក់ថានៅថ្ងៃទី១៦ ខែមេសា ឆ្នាំ២០២៤ វេលាម៉ោង ១៥:៣០នាទី ជនរងគ្រោះកំពុងយាមនៅចំណុចឃ្លាំង ផ្លូវជាតិលេខ២ ភូមិព្រែកតានូ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ ឃើញជនសង្ស័យឈ្មោះ ធើយ អាន ភេទប្រុស កំពុងនៅលើរបងឃ្លាំងជញ្ជូនធូបផ្សារដែកចំនួ ០៤កេស ក៏បានឃាត់ខ្លួនយកមកទីស្នាក់ការប៉ុស្តិ៍ចាក់អង្រែលើ និងដាក់ពាក្យបណ្តឹងចាត់ការតាមនីតិវិធីច្បាប់តែម្តង៕
ប្រភព៖ ប៉ុស្តិ៍នគរបាលរដ្ឋបាលចាក់អង្រែលើ
