ភ្នំពេញ៖ សាលារាជធានីភ្នំពេញ មន្ទីរសាធារណការ និងដឹកជញ្ជូនរាជធានីភ្នំពេញ ម្ចាស់គម្រោងវិនិយោគទន់ ក្រុមហ៊ុនអនិជន OCIC ខិតខំបញ្ចប់ការងារសេសសល់ ស្ពានកោះនរា ដ៏ប្រណិត ដែលក្រោយពីបានគោលការណ៍អនុញ្ញាតដ៏ខ្ពង់ខ្ពស់ ពីសម្តេចមហាបវរធិបតី ហ៊ុន ម៉ាណែត ឲ្យធ្វើចរាចរណ៍ជាបណ្តុះអាសន្ន កាលពីថ្ងៃទី១៣ ខែតុលា ឆ្នាំ២០២៣កន្លងមកនេះ ។
គិតត្រឹមថ្ងៃទី២៥ ខែតុលាឆ្នាំ២០២៣ នេះសាលារាជធានីភ្នំពេញ មន្ទីរសាធារណការ និងដឹកជញ្ជូនរាជធានីភ្នំពេញ ម្ចាស់គម្រោងក្រុមហ៊ុនអនិជន OCIC ការងារនៅសេសសល់រួមមាន ៖
១/ ការងារគូសគំនូសសញ្ញាចរាចរណ៌ សុវត្ថិភាព
២/ ការងារខាត់សំអាតលើតួរស្ពាន ទាំងមូល
៣/ ការងារធ្វើសួរច្បារបែងចែកកន្លងស្ពាន
៤/ ដាក់ការូឡាសម្រាប់ផ្លូវអ្នកថ្មើរជើង ទៅមក
៥/ លាបថ្នាំតាមបង្កាន់ដៃស្ពាន និងលាបគំនូសហាមឈប់
៦/ បញ្ចប់ការងារ ជញ្ជាំងបេតុង ទប់គល់ស្ពាន
៧/ បញ្ចប់ការងារ ផ្លូវក្រោមស្ពានកោះនរា និងតាមដានត្រួតពិនិត្យ សុវត្ថិភាពស្ពាន ។
គួរបញ្ជាក់ផងដែលថា ស្ពានកោះនរានេះ ចាប់បើកការដ្ឋាន កាលពីថ្ងៃទី១៦ ខែតុលា ឆ្នាំ២០២០ គ្រោងប្រើប្រាស់ពេល៣៥ខែ ក្រោមទន់វិនិយោគ ក្រុមហ៊ុនអនិជន OCIC ៣៨ លានដុលាអាមេរិច ឆ្លងកាត់ ខណ្ឌចំការមន មកខណ្ឌច្បារអំពៅ ពីកោះពេជ្រ មកកោះនរា មានប្រវែងបណ្តាយ៨២៤ម៉ែត ទទឹង២៤.៥០៦សង់ទីម៉ែត មាន៤កន្លងផ្លូវទៅមក ២កន្លងសម្រាប់រថយន្ត ១កន្លងសម្រាប់ម៉ូតូ និង១កន្លងសម្រាប់អ្នកថ្មើរជើង ហើយតួនាទីដ៏មានសារៈសំខាន់បំផុតនៃស្ពាន នោះគឺ បានរំដោះចរាចរណ៍យ៉ាងខ្លាំងពី តីរវិថី ព្រះសុីសុវត្តិ វិថី រដ្ឋសភាជាតិ មហាវិថីព្រះនរោត្តម និងជាពិសេសនោះ រំដោះលំហូចរាចរណ៍ផ្លូវជាតិលេខ១ ចាប់ពីតំបន់ស្ពានព្រះមុន្នីវង្ស មកតំបន់ផ្សារច្បារអំពៅ ផ្លូវជាតិលេខ១ ។ បច្ចុប្បន្ននេះ ប្រជាពលរដ្ឋដែលនិយមធ្វើដំណើឆ្លងកាត់តំបន់ផ្សារច្បារអំពៅ ខណ្ឌច្បារអំពៅ ផ្លូវជាតិលេខ១ គឺមានក្តីមោទនៈចំពោះសមិទ្ធផលថ្មីនេះដែលបានបញ្ចប់ស្ទើរទាំងស្រុងនូវភាពកកស្ទះ លំបាកកន្លងមកកំណាត់ផ្លូវជាតិលេខ១ ៕
ប្រភព៖ ទូរទស្សន៍ជាតិកម្ពុជា ទទក – TVK
