បាត់ដំបង៖ នៅថ្ងៃទី២២ ខែតុលា ឆ្នាំ២០២៣ វេលាម៉ោង១៣និង៣០នាទី មានករណីគ្រោះធម្មជាតិមួយកើតឡើង ដោយមានភ្លៀងធ្លាក់ខ្យល់កន្ត្រាក់ធ្លាក់មួយមេធំ និងផ្គររន្ទះបាញ់បណ្តាលអោយ គោចំនួន ០៤ក្បាលងាប់ ត្រង់ចំណុចគ្រឹះខ្លុង ភូមិបឹងប្រី ឃុំស្នឹង ស្រុកបាណន់ ខេត្តបាត់ដំបង ។
លោកវរសេនីយ៍ទោ សំ វីរៈ អធិការនគរបាលស្រុកបាណន់ បានអោយដឹងថា គ្រោះថ្នាក់រន្ទះបាញ់នេះបណ្តាលអោយ ស្លាប់សត្វគោ របស់ម្ចាស់ឈ្មោះ ស៉ិម សាលឿន ភេទប្រុស អាយុ៤៦ឆ្នាំ រស់នៅក្រុម១៣ ភូមិបឹងប្រី ឃុំស្នឹង ស្រុកបាណន់ ខេត្តបាត់ដំបង ប៉ុន្តែមិនបណ្តាលឲមានគ្រោះថ្នាក់ដល់មនុស្សទេ ។
ក្រោយពីទទួលបានពត៌មាន កម្លាំងនគរបាលអធិការស្រុក បានចុះត្រួតពិនិត្យទីកន្លែងកើតហេតុ៕
ប្រភព៖ អគ្គស្នងការដ្ឋាននគរបាលជាតិ
