ភ្នំពេញ៖ នៅថ្ងៃទី១០ ខែតុលា ឆ្នាំ២០២២ វេលាម៉ោង០៣នឹង៣០នាទី កម្លាំងជំនាញផ្នែកយុត្តិធម៌ និងប៉ុស្តិ៍ បានឃាត់ខ្លួនជនសង្ស័យម្នាក់ នៅចំណុចភូមិ២៤ សង្កាត់ស្រះចក ខណ្ឌដូនពេញ ពាក់ព័ន្ធករណីលួចទូរស័ព្ទដៃ នៅចំណុចផ្ទះសំណាក់យីហោ សួរស្តី ផ្លូវលេខ៨៦ ភូមិ៧ សង្កាត់ស្រះចក ខណ្ឌដូនពេញ រាជធានីភ្នំពេញ។
ជនសង្ស័យឈ្មោះ ឈិន ស្រីអូន ភេទស្រី អាយុ២៦ឆ្នាំ ជនជាតិខ្មែរ មុខរបរ រកស៊ីផ្លូវភេទ ស្នាក់នៅផ្ទះជួលលេខ៤២ ផ្លូវជាតិលេខ៥ ភូមិសាមគ្គី សង្កាត់ឫស្សីកែវ ខណ្ឌឫស្សីកែវ រាជធានីភ្នំពេញ(ឃាត់ខ្លួន)។ វត្ថុតាងចាប់យក៖ ទូរស័ព្ទដៃចំនួន០១គ្រឿងម៉ាក OPPO ពណ៌ខៀវ (ប្រគល់ឲ្យជនរងគ្រោះយកទៅរក្សាទុកជាបណ្តោះអាសន្ន)។
បច្ចុប្បន្នកម្លាំងជំនាញកំពុងប្រើប្រាស់វិធានការជំនាញសាកសួរចម្លើយ និងកសាងសំណុំរឿងបញ្ជូនទៅសាលាដំបូងតាមនីតិវិធីច្បាប់ ៕
ប្រភព៖ អគ្គស្នងការដ្ឋាននគរបាលជាតិ
