ឧត្ដរមានជ័យ៖ ថ្ងៃអាទិត្យ ៩ រោច ខែភទ្របទ ឆ្នាំថោះ បញ្ចស័ក ពស ២៥៦៧ ត្រូវនឹងថ្ងៃទី០៨ ខែតុលា ឆ្នាំ២០២៣ វេលាម៉ោង ១៨:១៥ នាទី នៅចំណុចស្ពានចារ ស្ថិតនៅភូមិចារ ឃុំអំពិល ស្រុកបន្ទាយអំពិល ខេត្តឧត្តរមានជ័យ មានករណីឆេះរថយន្ដមួយម៉ាក ហាយឡែនឌ័រ ពណ៌ស សេរីឆ្នាំ ២០០៤ ពាក់ស្លាកលេខ ភ្នំពេញ 2A 0063 របស់ឈ្មោះ សំ នួន (ហៅ តឿ ) ភេទស្រី អាយុ ៥២ ឆ្នាំ រស់នៅភូមិឬស្សីក្រោក ឃុំឬស្សីក្រោក ស្រុកមង្គលបូរី ខេត្តបន្ទាយមានជ័យ និងអ្នករួមដំណើរចំនួន ០១ នាក់ ឈ្មោះ ធឿន វុត្ថា ភេទ ប្រុស អាយុ ៣៦ ឆ្នាំ រស់នៅភូមិឃុំ ជាមួយគ្នា ពេលកំពុងធ្វើដំណើរក្នុងទិសដៅ ពីកើតទៅលិច។ ក្រោយពេលកើតហេតុកម្លាំងអធិការនគរបាលស្រុកបន្ទាយអំពិល បានចេញរថយន្ដពន្លត់អគ្គិភ័យចំនួន ០១ គ្រឿង ជួយពន្លត់តែត្រូវឆេះអស់ទាំងស្រុង ។
+ មូលហេតុៈ ជ្រាបធុងហ្គាសបណ្តាលឪ្យឆេះ ។
+ ករណីនេះពុំមានប៉ះពាល់ដល់អាយុជីវិតមនុស្សឡើយ៕
ប្រភព៖ នាយកដ្ឋាននគរបាលបង្ការពន្លត់អគ្គិភ័យនិងសង្គ្រោះ នៃអគ្គស្នងការដ្ឋាននគរបាលជាតិ
