បាត់ដំបង៖ នៅថ្ងៃទី០៩ ខែតុលា ឆ្នាំ២០២៣ វេលាម៉ោង១១ និង ១០នាទី នៅចំណុចក្រុមទី១១ ភូមិអន្លង់វិល ឃុំអន្លង់ វិល ស្រុកសង្កែ ខេត្តបាត់ដំបង មានករណី អំពេីលួច (ម៉ូតូ) មួយកើតឡើងបង្កដោយជនមិនស្គាល់អត្តសញ្ញាណ និងចំនួន បានធ្វេីសកម្មភាពលួចយកម៉ូតូរបស់ជនរងគ្រោះឈ្មោះ ដៀប គី ភេទប្រុស អាយុ ៥០ ឆ្នាំ មានទីលំនៅក្រុមទី២១ ភូមិតាប៉ុន ឃុំតាប៉ុន ស្រុកសង្កែ ខេត្តបាត់ដំបង ម៉ូតូម៉ាកហុងដាឌ្រីម ស៊េរីឆ្នាំ២ ០០៥ ពណ៌ ខ្មៅ លេខតួ/លេខម៉ាស៊ីនND 125 ME-0027569ស្លាក លេខបាត់ ដំបង 1S-27 00ជិះយកទៅបាត់។
ក្រោយពេលកេីតហេតុជនរងគ្រោះបានរាយការ ណ៍មកសមត្ថកិច្ចនគរបាលស្រុក ហេីយពេលទទួល សេចក្តីរាយការណ៍រួចនិងដោយអនុវត្តតាមយោបល់ដឹកនាំរបស់លោកឧត្តមសេនីយ៍ទោ សាត គឹមសាន ស្នងការ នៃ ស្នងការដ្ឋាននគរបាលខេត្តបាត់ដំបង និងលោកឧត្តមសេនីយ៍ត្រី លឹម ពុទ្ធីឡា ស្នងការរងផែនការងារនគរបាលព្រហ្មទ័ណ្ឌ លោកវរសេនីយ៍ ទោ យុត តុងហូ អធិការនគរបាលស្រុកសង្កែ បានដឹកនាំកម្លាំងផ្នែកជំនាញនៃអធិការដ្ឋាននគរបាលស្រុករួមជាមួយកម្លាំងប៉ុស្តិ៍នគរបាលកំពង់ព្រះ ធ្វេីការ ស្រាវជ្រាវនិងបង្ក្រាបឃាត់ខ្លួនជនសង្ស័យឈ្មោះ សំ បូរ: ភេទប្រុស អាយុ២៩ឆ្នាំ មានទីលំនៅភូមិព្រះទន្លេ សង្កាត់សង្ឃ័រ ក្រុងស្វាយរៀង ខេត្តស្វាយរៀង នៅ វវេលាម៉ោង១២និង៣០នាទីថ្ងៃដដែលនៅចំណុចក្រុមទី១៩ ភូមិស្រះកែវ ឃុំកំពង់ព្រះ ស្រុកសង្កែ ខេត្តបាត់ដំបង និងបានដកហូតម៉ូតូភិនភាគខាងលេីដែលជារបស់ជនរងគ្រោះ។
ករណីនេះនគរបាលស្រុកកំពុងកសាងសំណុំរឿងបញ្ជូនមកការិយាល័យជំនាញអនុវត្តតាមនីតិវិធីច្បាប់ រីឯម៉ូតូប្រគល់ជូនម្ចាស់វិញ៕
ប្រភព៖ ក្រុមអន្តរាគមន៍ នៃអធិការដ្ឋាននគរបាលស្រុកសង្កែ
