ប៉ៃលិន៖ ថ្ងៃចន្ទ១១កើត ខែភទ្របទ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី២៥ ខែកញ្ញា ឆ្នាំ២០២៣ វេលាម៉ោង ១១និង១៥នាទីមានករណីគ្រោះថ្នាក់ចរាចរណ៍រវាងរថយន្តបុក ម៉ូតូកង់បីហើយខ្ទៀតទៅបុកម៉ូតូមួយគ្រឿងទៀត បានកើតឡើងនៅចំណុចជិតហ្ការ៉ាស់សាំង មាន មាន ស្ថិតនៅភូមិប៉ាហុីជើង សង្កាត់ប៉ៃលិន ក្រុងប៉ៃលិន ខេត្តប៉ៃលិន បណ្ដាលឲ្យមនុស្សរងរបួសស្រាល០៣នាក់ខូចខាតម៉ូតូ ធ្ងន់ ០២គ្រឿង រថយន្តខូចខាតធ្ងន់០១គ្រឿង ។
ភាគីបើកបររថយន្តបង្កមានឈ្មោះ កង ថេង ភេទប្រុស អាយុ៧៦ ឆ្នាំ រស់នៅភូមិដូង ឃុំស្ទឹងកាច់ ស្រុកសាលាក្រៅ ខេត្តប៉ៃលិនរថយន្តម៉ាក ហាយឡេដឺ ពណ៌ទឹកមាស ឆ្នាំ២០០៥ ពាក់ផ្លាកលេខ ប៉ៃលិន 2A -7516 (ខូចខាតធ្ងន់) ។
ភាគីបើកបរម៉ូតូមានឈ្មោះ ផិត បូរី អាយុ ២០ឆ្នាំ រស់នៅភូមិអូរតាពុកក្រោម សង្កាត់ទួលល្វា ក្រុង/ខេត្តប៉ៃលិន (រងរបួសស្រាល) ម៉ូតូឌ្រីមសង់ ពណ៌ខ្មៅ ឆ្នាំ2020 ពាក់ផ្លាកលេខ បាត់ដំបង 1U-6271 (ខូចខាតធ្ងន់)។
ភាគីបើកបរម៉ូតូកង់បីមានឈ្មោះ ឆាន់ សុផាត ភេទប្រុសអាយុ ៥៧ឆ្នាំ រស់នៅភូមិសួនអំពៅកើត សង្កាត់ប៉ៃលិន ក្រុងប៉ៃលិន ខេត្តប៉ៃលិន បើកបរម៉ូតូម៉ាក ឌ្រីមសង់ ២០១៣ (ខូចខាតធ្ងន់) ដែលមានអ្នករួមដំណើរឈ្មោះ សេះ ស្រីចិន ភេទស្រី អាយុ ៣៦ឆ្នាំ រស់នៅភូមិ សួនអំពៅកើត សង្កាត់/ក្រុង/ខេត្ត ប៉ៃលិន (រងរបួសស្រាល)។
បច្ចុប្បន្នកម្លាំងជំនាញការិយាល័យនគរបាលចរាចរណ៍ផ្លូវគោក នៃស្នងការដ្ឋាននគរបាលខេត្តប៉ៃលិន បានយកវត្ថុតាងមករក្សាទុករង់ចាំការដោះស្រាយទៅតាមនីតិវិធី ។
ប្រភព៖ នាយកដ្ឋានផ្សព្វផ្សាយអប់រំ
