ភ្នំពេញ៖ នៅថ្ងៃទី១៩ ខែកញ្ញា ឆ្នាំ២០២៣ ក្រោយពីទទួលបានព័ត៌មានពីជនរងគ្រោះ កម្លាំងប៉ុស្តិ៍នគរបាលរដ្ឋបាលចតុមុខ នៃអធិការដ្ឋាននគរបាលខណ្ឌដូនពេញ បានស្រាវជ្រាវឃាត់ខ្លួនជនសង្ស័យចំនួន០២នាក់ ក្នុងចំណោមបក្សពួកចំនួន០៣នាក់ ក្រោយពីធ្វើសកម្មភាពគាស់ទម្លុះទម្លាយផ្ទះយកម៉ូតូសណ្តោងរឺម៉ក និងសម្ភារៈមួយចំនួន ប្រព្រឹត្តល្មើសនៅនៅចំណុចក្នុងផ្ទះលេខ០៨ ផ្លូវ២៥៨ ភូមិ២ សង្កាត់ចតុមុខ ខណ្ឌដូនពេញ។
អត្តសញ្ញាណជនសង្ស័យចំនួន០៣នាក់៖
១- ឈ្មោះ សុខ វាសនា ភេទប្រុស ជនជាតិវៀតណាម ស្នាក់នៅនិងមុខរបរមិនប្រាកដ (មានសារធាតុញៀន)។
២- ឈ្មោះ សុខ ជា ភេទប្រុស ជនជាតិខ្មែរ ស្នាក់នៅនិងមុខរបរមិនពិតប្រាក (មានសារធាតុញៀន)។
៣- ឈ្មោះ វៀង ភេទប្រុស ជនជាតិវៀតណាម ស្នាក់នៅនិងមុខរបរមិនពិតប្រាកដ (គេចខ្លួន)។
វត្ថុតាងដកហូតរួមមាន៖ ម៉ូតូម៉ាកyamaha ស៊ូរ៉ុស ពណ៌ខ្មៅ, ម៉ាស៊ីនចេញបុងគិតលុយ ចំនួន១, កាំបិតបុ័ងតោ ដងឈើចំនួន១, កូនកាំបិតតូច ចំនួន១, កន្ត្រៃដែក ចំនួន១, ទូលវីស១ និងសោលេខ១០ ចំនូន១។ បច្ចុប្បន្នជនសង្ស័យ និងវត្ថុតាង កំពុងឃាត់ខ្លួននៅកម្លាំងប៉ុស្តិ៍នគរបាលរដ្ឋបាលចតុមុខ បណ្តោះអាសន្ន ដើម្បីកសាងសំណុំរឿងបញ្ជូនទៅសាលាដំបូងរាជធានីភ្នំពេញ ចាត់ការបន្តតាមនីតិវិធី៕
ប្រភព៖ ស្នងការដ្ឋាននគរបាលរាជធានីភ្នំពេញ
