ភ្នំពេញ៖ កាលពីថ្ងៃទី១៨ ខែកញ្ញា ឆ្នាំ២០២៣ វេលាម៉ោង១៤:០០នាទីនៅចំណុចសួនច្បារ ខាងក្រោយសាលសន្និសិទចតុមុខ ផ្លូវព្រះស៊ីសុវត្ថិ សង្កាត់ជ័យជំនះ មានករណីលួចម៉ូតូ ក្រោយទទួលបានបណ្តឹងពីជនរងគ្រោះភ្លាម កម្លាំងជំនាញខណ្ឌប៉ុស្តិ៍ បានចុះការស្រាវជ្រាវឈានដល់បើកការបង្ក្រាបឃាត់ខ្លួនបានជនសង្ស័យចំនួន០២នាក់ នៅចំណុចកន្លែងផ្ញើរម៉ូតូក្នុងផ្សារច្បារអំពៅ សង្កាត់ច្បារអំពៅ ខណ្ឌច្បារអំពៅ។ ឃាត់ខ្លួនជនសង្ស័យចំនួន០២នាក់៖
១- ឈ្មោះ ប៊ិន ឌីណាំង ភេទប្រុស ជនជាតិខ្មែរ មុខរបរមិនពិតប្រាកដ ស្នាក់នៅបន្ទប់ជួល សង្កាត់ច្បារអំពៅ ខណ្ឌច្បារអំពៅ។
២- ឈ្មោះ ប៊ិន ប្រុសមឺន ភេទប្រុស ជនជាតិខ្មែរ មុខរបរមិនពិតប្រាកដ ស្នាក់នៅបន្ទប់ជួល សង្កាត់ច្បារអំពៅ ខណ្ឌច្បារអំពៅ។
វត្ថុតាងដកហូតរួមមាន ម៉ូតូម៉ាកសង់សេ១២៥ ពណ៌ខ្មៅ សេរីឆ្នាំ២០២៣ ពាក់ផ្លាកលេខ កំពង់ធំ1M3860 ។ បច្ចុប្បន្នជនសង្ស័យ កំពុងឃាត់ខ្លួនបណ្តោះអាសន្ន ដើម្បីកសាងសំណុំរឿងបញ្ជូនទៅសាលាដំបូងរាជធានីភ្នំពេញ ចាត់ការបន្តតាមនីតិវិធី៕
ប្រភព៖ ស្នងការដ្ឋាននគរបាលរាជធានីភ្នំពេញ
