កំពង់ស្ពឺ៖ ដោយមានការចង្អុលបង្ហាញពីលោកឧត្ដមសេនីយ៍ទោ សម សាមួន ស្នងការនគរបាលខេត្តកំពង់ស្ពឺ និងដឹកនាំដឹកនាំស្រាវជ្រាវយ៉ាងយកចិត្តទុកដាក់របស់លោកអធិការនគរបាលស្រុកសំរោងទង សហការជាមួយផែនយុត្តិធម៌នៃស្នងការដ្ឋាននគរបាលខេត្តកំពង់ស្ពឺ នៅថ្ងៃទី៩ ខែកញ្ញា ឆ្នាំ២០២៣ បានស្រាវជ្រាវបានឃាត់ខ្លួនជនសង្ស័យម្នាក់ឈ្មោះ យ៉ា សច្ចៈបញ្ញា ហៅញ៉ា ភេទប្រុស អាយុ១៧ឆ្នាំ រស់នៅភូមិចំបក់ ឃុំវល្លសរ ស្រុកសំរោងទង ។
កាលពីថ្ងៃទី១៨ ខែមេសា ឆ្នាំ២០២៣ វេលាម៉ោង២១និង៣០នាទី នៅផ្លូវជាតិលេខ៤( ៤៩-៥០) ភូមិសំបួរ សង្កាត់ច្បារមន ក្រុងច្បារមន មានករណីលួចមានស្ថានទម្ងន់ទោស(ប្លន់យកម៉ូតូ) បង្កដោយជនសង្ស័យ៤នាក់ មិនស្គាល់អត្តសញ្ញាណ ជិះម៉ូតូ២គ្រឿង ដេញតាមពីក្រោយកៀរម៉ូតូជនរងគ្រោះឲ្យឈប់រួចប្រើកាំបិតផ្កាក់គំរាមកាប់ជនរងគ្រោះឈ្មោះ ទុំ វណ្ណាភេទប្រុស អាយុ២១ឆ្នាំ នៅភូមិចំបក់ ឃុំវល្លិសរ ស្រុកសំរោងទង ខេត្តកំពង់ស្ពឺ ពេលកំពុងម៉ូតូចេញពីផ្ទះទៅសំរាកនៅផ្ទះជួលបងប្អូន នៅភូមិភ្នំដី សង្កាត់ច្បារមន ក្រុងច្បារមន ហើយជនរងគ្រោះបានផ្ដួលម៉ូតូទុកចោលដោយមិនដកកូនសោររត់គេចខ្លួនជនសង្ស័យបានយកម៉ូតូជនរងគ្រោះជិះគេចខ្លួនបាត់។
បាត់បង់ ៖ ម៉ូតូម៉ាកHONDA C125ស៊េរី ២០២២ពណ៌ខ្មៅ ស្លាកលេខ ភ្នំពេញ
1SQ-4335 លេខតួ-ម៉ាស៊ីន 6295284។
យោងតាមការផ្កល់ព័ត៌មានពីប្រជាពលរដ្ឋបានឲ្យដឹងថា ៖ ឈ្មោះយឿន រក្សា ហៅតឿភេទប្រុសអាយុ២៥ឆ្នាំ រស់នៅភូមិបន្លាស្អិត ឃុំរលាំងចក ស្រុកសំរោងទង បានទិញម៉ូតូHonda C125 ស៊េរី២០២២ ពណ៌ខ្មៅ ពីឈ្មោះញ៉ា ភេទប្រុស អាយុ១៧ឆ្នាំ ដែលធ្វើសកម្មភាព ប្លន់នៅក្រុងច្បារមន កន្លងមកហើយឈ្មោះ យ៉ា សច្ចៈបញ្ញា ហៅញ៉ា បានសារភាពថាខ្លួននិងមានបក្ខពួក៤ នាក់ទៀតពិតជាបាន ធ្វើសកម្មភាពប្លន់យកម៉ូតូជនរងគ្រោះខាងលើពិតប្រាកដមែន។ បន្ទាប់មកនៅថ្ងៃទី១០ ខែកញ្ញា ឆ្នាំ២០២៣ បានបន្តឃាត់ខ្លួនជនសង្ស័យចំនួន៤នាក់បន្ថែម
ទៀត៖
១-ឈ្មោះ យឹម រក្សា ហៅតឿ ភេទប្រុសអាយុ២៥ឆ្នាំ នៅភូមិបន្លាស្អិត ឃុំរលាំងចក ស្រុកសំរោងទង ដកហូតម៉ូតូHondaC125ស៊េរី
២០២២ ពណ៌ខ្មៅ របស់ជនរងគ្រោះ។
២-ឈ្មោះ រីម ឆវ័ន្ត ភេទប្រុសអាយុ២៧ឆ្នាំ នៅភូមិតាគាំ ឃុំវល្លិសរ ស្រុកសំរោងទង ។
៣-ឈ្មោះ នុត សំបូរ ភេទប្រុសអាយុ១៧ឆ្នាំ នៅភូមិបន្លាស្អិត ឃុំរលាំងចក ស្រុកសំរោងទង ។
៤-ឈ្មោះ ភុន ចន្ទ្រា ហៅង៉ោល ភេទប្រុស អាយុ២០ឆ្នាំ នៅភូមិដូនអាត់ ឃុំស្គុះ ស្រុកសំរោងទង ។
សរុបឃាត់ខ្លួនជនសង្ស័យចំនួន៥នាក់ ដកហូតម៉ូតូ២គ្រឿងក្នុនោះជនរងគ្រោះ១គ្រឿង។ តាមចម្លើយក្រុមជនសង្ស័យ បានធ្វើសកម្មភាពប្លន់យម៉ូតូ៤លើក៖
-ក្រុងច្បារមន៣លើក
-ស្រុកអង្គស្នួល១លើក
ករណីខាងលើជំនាញកសាងសំណុំរឿងចាត់កាតាមនិតិវិធី៕
ប្រភព៖ អធិការដ្ឋាននគរបាលស្រុកសំរោងទង
