សេចក្តីជូនព័ត៌មាន៖
ក្រុមការងារព័ត៌មាននិងប្រតិកម្មរហ័សនៃស្នងការដ្ឋាននគរបាលខេត្តបាត់ដំបង សូមគោរពនិងជម្រាបជូនសាធារណជន អ្នកសារព័ត៌មាននិងអ្នកប្រេីប្រាស់បណ្តាញទំនាក់ទំនងសង្គមបានជ្រាបថា ដើម្បីធានាបាននូវសុខសុវត្ថិភាព សណ្តាប់ធ្នាប់សាធារណៈក្នុងមូលដ្ឋានខេត្តបាត់ដំបងទាំងមូល ពិសេសបញ្ហាដែលតែងបង្កឡើងដោយក្រុមក្មងងៗបង្កភាពអនាធិបតេយ្យនៅតាមមូលដ្ឋាននាពេលយប់នោះ គឺចាប់ពីយប់ថ្ងៃទី៨ខែកញ្ញាឆ្នាំ២០២៣ នេះតទៅលោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង បានដាក់បទបញ្ជាដល់មន្រ្តីនគរបាលក្នុងការិយាល័យជំនាញ និងលោក អធិការនគរបាលក្រុង ស្រុក ត្រូវចាត់វិធានការប្រមូលក្រុមក្មេងៗដើរបង្កភាពអនាធិបតេយ្យនៅពេលយប់ក្នុងមូលដ្ឋានដោយត្រូវនាំខ្លួនមកកាន់អង្គភាពនគរបាល ដើម្បីធ្វើការសាកសួរស្រាវជ្រាវ ហើយក្នុងករណីរកឃើញមានអំពើល្មើសច្បាប់នោះសមត្ថកិច្ចនគរបាលត្រូវចាត់វិធានការតាមផ្លូវច្បាប់ទៅ តាមអំពើល្មើសនោះតែម្តងដោយគ្មានការលើកលែង។
ដូចបានជម្រាបជូនខាងលើសូមសាធារណជន អ្នកសារព័ត៌មាន និងអ្នកនិយមប្រើប្រាស់បណ្តាញសង្គមមេត្តាជ្រាបជាព័ត៌មាន សូមអរគុណ៕
ប្រភព៖ អគ្គស្នងការដ្ឋាននគរបាលជាតិ
