ភ្នំពេញ៖ កាលពីម៉ោងប្រមាណ១២៖៣០នាទីរំលងអាធ្រាត្រឈានចូលថ្ងៃទី០៦ ខែកញ្ញា ឆ្នាំ២០២៣ មានករណីគ្រោះថ្នាក់ចរាចរណ៍មួយកើតឡើងនៅចំនុចបណ្ដោយផ្លូវកោះពេជ្រ ក្នុងមជ្ឈមណ្ឌលសន្និបាតកោះពេជ្រ សង្កាត់ទន្លេបាសាក់ ខណ្ឌចំការមន រាជធានីភ្នំពេញ។
ប្រភពពីកន្លែងកើតហេតុបានអោយដឹងថា មានបុរសម្នាក់បេីករថយន្ត Ford Ranger ពាក់ស្លាកលេខភ្នំពេញ 2BL-1875 បុកខឿនរង្វង់មូលទេីបរៀបចំសាងសង់បណ្ដាលរងការខូចខាត មិនបណ្ដាលឲ្យរងរបួសនោះទេ។ ក្រោយកេីតហេតុម្ចាស់រថយន្តបានផ្ដល់សំណងទៅកាន់ក្រុមហ៊ុនដេីម្បីបញ្ចប់រឿង៕
