ភ្នំពេញ៖ ដោយបានការអនុញ្ញាតិពីលោកវរសេនីយ៏ ម៉ៅ សឿត អធិការនគរបាលខណ្ឌច្បារអំពៅ បានអោយកម្លាំងនគរបាលប៉ុស្តិ៏ក្បាលកោះ ឃាត់ខ្លួនជនសង្ស័យ០១នាក់ ស្តីពីករណី លួចដែក នៅការដ្ឋានសំណង់បុរីមហាសំណាង ភូមិព្រែកធំ សង្កាត់ក្បាលកោះ ខណ្ឌច្បារអំពៅ ថ្ងៃទី០៤-០៩-២០២៣ម៉ោង០៧:០០នាទី។
ដើមបណ្តឹងឈ្មោះឆាយ រ៉ាន់ឌីន ភេទ ប្រុស អាយុ៣៨ឆ្នាំ ជាតិខ្មែរ មុខរបរ មេការសំណង់ ស្នាក់នៅភូមិ ព្រែកធំ សង្កាត់ក្បាលកោះ ខណ្ឌច្បារអំពៅ។ ជនសង្ស័យឈ្មោះ មាស ភារុន ភេទ ប្រុស អាយុ៣៧ឆ្នាំ ជាតិខ្មែរ មុខរបរ គ្មាន ស្នាក់នៅភូមិព្រែកធំ សង្កាត់ក្បាលកោះ ខណ្ឌច្បារអំពៅ។
មុនពេលកើតហេតុ ជនសង្ស័យបានដើរចូលការដ្ឋានសំណង់កើតហេតុ រួចលួចដែកថ្នាំងអំពៅ៦ដើម និងដែកកង ៣០កង យកចេញគេចខ្លួន។ លុះដល់ម៉ោង១០និង ០០នាទី ថ្ងៃដដែល សមត្ថកិច្ចយើងឃាត់ខ្លួនជនសង្ស័យ រួមនិងវត្ថុតាង បញ្ជូនមកទីស្នាក់ការប៉ុស្តិ៍ក្បាលកោះ សាកសួរ។ លទ្ធផលតេស្តិ៍ទឹកនោមជនសង្ស័យ ៖ វិជ្ជមាន (មានសារធាតុញៀន)៕
ប្រភព៖ ប៉ុស្តិ៍នគរបាលរដ្ឋបាលក្បាលកោះ
