ពោធិ៍សាត់៖ នៅថ្ងៃព្រហស្បត្តិ៍ ទី៣១ ខែសីហា ឆ្នាំ២០២៣ វេលាម៉ោង២១:៤០នាទី កម្លាំងប៉ុស្តិ៍នគរបាលរដ្ឋបាលត្រពាំងជងបានចុះបង្ក្រាបករណីនេសាទដោយប្រើឧបករណ៍ខុសច្បាប់(ឆក់ត្រី)ចំនួន០១លើក នៅចំណុចវាលស្រែខាងកើតប្រឡាយស្នាយទោលប្រហែល១០០ម៉ែត្រ ស្ថិតក្នុងភូមិក្រោលក្របី ឃុំត្រពាំងជង ។
ក្នុងនោះបានឃាត់ខ្លួនជនសង្ស័យចំនួនម្នាក់ មានឈ្មោះ ចក សហ ភេទប្រុស អាយុ២៩ឆ្នាំ រស់នៅភូមិបឹងប្រីយ៍ ឃុំបឹងត្រពាំងជង ស្រុកបាកាន ខេត្តពោធិ៍សាត់។ ហើយវត្ថុតាងរួមមាន អាគុយ ៤០អំពែចំនួន០១គ្រឿង, ដុំឆក់ចំនួន០១ គ្រឿង និងដងឆក់ចំនួន០១គូរ។ បច្ចុប្បន្នបាននាំយកទៅកាន់អធិការរដ្ឋាននគរបាលស្រុកបាកានធ្វើកិច្ចសន្យាអប់រំ៕
ប្រភព៖ ស្នងការដ្ឋាននគរបាលខេត្តពោធិ៍សាត់
