សៀមរាប ៖ នៅវេលាម៉ោង ១២ និង២៥នាទី រំលងអធ្រាត្រ ថ្ងៃទី៣០ ខែសីហា ឆ្នាំ២០២៣ កម្លាំងល្បាតនៃការិយាល័យអន្តរាគមន៍ និងតម្រួតបទបញ្ជា បានប្រដេញចាប់ក្រុមអ្នកលេងដាវកាំបិតពេលរាត្រី ហើយឃាត់ខ្លួនជនសង្ស័យម្នាក់ត្រង់ចំណុចតាមបណ្តោយផ្លូវក្រវ៉ាត់ក្រុង ភូមិត្រពាំងត្រែង សង្កាត់សាលាកំរេីក ក្រុង/ខេត្តសៀមរាប។ ជនសង្ស័យឈ្មោះ លី សុវណ្ណដា អាយុ ២១ឆ្នាំ រស់នៅភូមិ វាល សង្កាត់សាលាកំរើក ក្រុង/ខេត្តសៀមរាប មុខរប រៀនកាត់សក់ ។
ក្នុងប្រតិបត្តិការនេះ កម្លាំងអន្តរាគមន៍ដកហូតវត្ថុតាងបាន ផ្គាក់ ចំនួន ០១ដេីម ម៉ូតូចំនួន ០១គ្រឿង ម៉ាក Honda C 125 ឆ្នាំ២០២២ ពណ៌ខ្មៅ ស្លាកលេខ សៀមរាប 1AN 6813 ទូរស័ព្ទដៃមួយគ្រឿង ម៉ាក iPhone 11 Pro Max ពណ៌មាស ។ ក្រោយឃាត់ខ្លួន កម្លាំងអន្តរាគមន៍បានប្រគល់ជនសង្ស័យ និងវត្ថុតាងឲ្យការិយាល័យព្រហ្មទណ្ឌកម្រិតធ្ងន់ស្រាវជ្រាវ និងអនុវត្តនីតិវិធីបន្ត ៕
ប្រភព៖ ការិយាល័យអន្តរាគមន៍ និងតម្រួតបទបញ្ជានៃស្នងការដ្ឋាននគរបាលខេត្តសៀមរាប
