ភ្នំពេញ៖ សម្រាប់ថ្ងៃអាទិត្យ ទី២៣ ខែកក្កដា ឆ្នាំ២០២៣ មានរថយន្តចំនួន 20494គ្រឿង បានធ្វើដំណើរលើផ្លូវល្បឿនលឿន។យើងបានសង្កេតឃើញថា មានប្រជាពលរដ្ឋជាច្រើនបានជ្រើសរើសប្រើប្រាស់ផ្លូវល្បឿនលឿនសម្រាប់ការធ្វើដំណើរទៅចូលរួមការបោះឆ្នោតជ្រើសរើសតំណាងរាស្ត្រ នីតិកាលទី៧ ព្រមទាំងការធ្វើដំណើរកំសាន្តនានា ដោយចំនួនចរាចរណ៍នេះបានកើនឡើងយ៉ាងខ្លាំងបើធៀបនឹងថ្ងៃធម្មតា ចំពោះករណីនេះថ្នាក់ដឹកនាំនៃក្រុមហ៊ុនផ្លូវល្បឿនលឿនភ្នំពេញ-ក្រុងព្រះសីហនុបានចាត់វិធានការភ្លាមៗនិងបានត្រួតពិនិត្យដោយផ្ទាល់តាមកាមេរ៉ាសុវត្ថិភាព ដើម្បីធានាដល់សុវត្ថិភាពអ្នកដំណើរ ជាពិសេសចាត់ក្រុមការងារចុះជួយសម្រួលចរាចរណ៍នៅតាមច្រកចេញចូលអោយបានឆាប់រហ័សបំផុត។ការកើនឡើងនៃលំហូរចរាចរណ៍នេះបានសបញ្ជាក់អោយឃើញពីសុខសន្តិភាព ស្ថេរភាពរបស់ព្រះរាជាណាចក្រកម្ពុជានាពេលបច្ចុប្បន្ន។
ក្រុមហ៊ុនផ្លូវល្បឿនលឿនភ្នំពេញ-ក្រុងព្រះសីហនុសូមសូមធ្វើការក្រើនរំលឹកដល់អ្នកបើកបរ និងអ្នករួមដំណើរទាំងអស់ជាថ្មីម្តងទៀតថា ដើម្បីធានាបាននូវសុវត្ថិភាពរបស់លោកអ្នក ក្នុងការប្រើប្រាស់ផ្លូវល្បឿនលឿន សូមមេត្តាបើកបរដោយគោរពច្បាប់ និងផ្លាកសញ្ញាកំណត់ល្បឿន ដែលបានបំពាក់នៅតាមបណ្តោយផ្លូវ និងសូមមេត្តាត្រួតពិនិត្យយានយន្តឱ្យបានល្អិតល្អន់ តាមការណែនាំរបស់ក្រុមហ៊ុន មុនពេលចូលមកប្រើប្រាស់ផ្លូវល្បឿនលឿន៕
ប្រភព៖ ផ្លូវល្បឿនលឿនភ្នំពេញ – ក្រុងព្រះសីហនុ
